Соли 2023 49 корхонаву ташкилотҳои нав ба узвияти Палатаи савдо ва саноати Ҷумҳурии Тоҷикистон пазируфта шудаанд.

Дар ин бора Ҷамшед Ҷумъахонзода, роҳбари ин ниҳод имрӯз - 9 феврал зимни нишасти хабарӣ иттилоъ дод.

Ба гуфтаи Ҷумъахонзода бо шумули корхонаву ташкилотҳои нав аъзои Палата ба 959 адад расидааст.

- Аз шумораи умумии аъзои Палата 359 –то ба шаҳри Душанбе ва ноҳияҳои тобеи марказ, 308 ба вилояти Суғд, 252 ба вилояти Хатлон ва 40 ба ВМКБ рост меоянд, - гуфт Ҷамшед Ҷумъахонзода.

Номбурда ҳамчунин, таъкид кард, ки бо мақсади ҷалб намудани корхонаву ташкилотҳо ва соҳибкорон ба узвияти Палата, дар давраи ҳисоботӣ ба суроғаи онҳо 1050 адад маводҳои иттилоотӣ ва пешниҳодҳои тиҷоратӣ фиристода шудааст.

Ҳошим РАҲМАТУЛЛОЕВ, “ҶТ”