Дар Тоҷикистон 66 фоиз ва ё 6 млн 741 ҳазор нафар бо оби нӯшокии мутамарказонидашуда (обе, ки бо лулаҳои обгузар то манзили истиқоматии сокинон расонида шудааст) таъминанд.

Дар ин хусус имрӯз -22 июл Усмон Давлатзода, директори генералии КВД "Хоҷагии манзилию коммуналӣ" зимни нишасти хабарӣ иттилоъ дод.

Ба гуфтаи Давлатзода аз 66 фоизи аҳолӣ, ки оби нӯшокӣ то манзили истиқоматиашон рафта мерасад, 48 фоиз дар шаҳрҳо ва 18 фоизи дигар ба ноҳияҳои дурдасти ҷумҳурӣ истимомат мекунанд.

Гуфта мешавад, ки дар шаш моҳи аввали соли 2024 аз ҷониби кормандони корхонаҳои тобеи КВД "Хоҷагии манзилию коммуналӣ" ба истифодабарандагон воқеъ дар шаҳру ноҳияҳо ва деҳоти ҷумҳурӣ ба маблағи 118 млн 639,7 ҳазор сомонӣ хизматҳои гуногуни коммуналӣ расонида шудааст. Ин шумора нисбат ба ҳамин давраи 2023 14 млн 457,8 ҳазор сомонӣ зиёд мебошад ва суръати афзоиши он 113,9 фоизро ташкил медиҳад.

Гулафшон КАРИМОВА, "ҶТ"