ИҚТИСОД
Якшанбе 20 Сентябр 2020 12:16
2271
МУАЛЛИФ: БЕҲРӮЗ ХОЛМУРОДОВ

Соли 2016 нақшаи андозҳо ва пардохтҳои ҳатмӣ бе назардошти андози иҷтимоии ғайрибуҷетӣ ба андозаи 101,0 фоиз таъмин гардида, ба ҷойи 6 млрд. 985,4 млн сомонӣ ба буҷет зиёда аз 7 млрд. 53,0 млн сомонӣ ворид карда шуд, ки нисбат ба нақшаи пешбинишуда 67,6 млн сомонӣ зиёд мебошад.

Нусратулло Давлатзода, раиси Кумитаи андози назди Ҳукумати ҷумҳурӣ, дар нишасти матбуотӣ иброз дошт, ки соли сипаригардида, аз ҷониби кормандони мақомоти андоз нисбат ба фаъолияти 1883 шахси ҳуқуқӣ ва соҳибкорони инфиродӣ санҷиши риояи қонунгузории андоз гузаронида, ба маблағи 1 млрд. 75,7 млн сомонӣ кам ҳисоб кардан ва пинҳонкунии андозҳоро ошкор карданд ва 638,7 млн. сомонияш ба буҷет ворид карда шуд, ки нисбат ба маблағҳои дар соли 2015 аз ҳисоби санҷишҳо ба буҷети давлатӣ воридшуда 211 млн. сомонӣ зиёд мебошад.

– Нисбат ба андозсупорандагоне, ки ба қонунвайронкунӣ ва пинҳонкунии андозҳо ба маблағи калон роҳ додаанд, барои чораҷӯии минбаъда ва қабул намудани қарорҳои дахлдор ба мақомоти ҳифзи ҳуқуқ 363 маводи санҷишӣ ба маблағи 734,1 млн. сомонӣ равон карда шудааст, - афзуд Н. Давлатзода.

Гуфта шуд, ки дар натиҷаи аз тарафи мақомоти андози ҷумҳурӣ гузаронидани корҳои назоратӣ зиёда аз 24 600 ҳолати ҳуқуқвайронкуниҳо ошкор ва шахсони дахлдор ба ҷавобгарии маъмурӣ кашида шуда, нисбат ба онҳо ба маблағи умумии 307,0 млн. сомонӣ ҷаримаҳои маъмурӣ татбиқ гардида, аз ин ҳисоб ба буҷети ҷумҳурӣ 170,2 млн. сомонӣ ворид карда шуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.