Шаҳрвандоне, ки тибқи Қонуни авф ба озодӣ баромаданд дар Агентии меҳнат ва шуғли аҳолӣ ба қайд гирифта шуда, ба онҳо руйхати ҷойҳои корӣ пешниҳод мегардад.

Дар ин бора имрӯз - 13 июл дар нишасти хабарии Вазорати меҳнат муҳоҷират ва шуғли аҳолии Ҷумҳурии Тоҷикистон иттилоъ дода шуд.

Ба қавли Солеҳа Холмаҳмадзода, вазири меҳнат муҳоҷират ва шуғли аҳолии Ҷумҳурии Тоҷикистон ба корҳои пешниҳод шуда роҳхат низ дода шуда, қисме аз нафарони авфшуда барои иштирок дар корҳои ҷамъиятӣ низ сафарбар мешаванд.

Ёдовар мешавем, ки чанде пеш Қонуни Ҷумҳурии Тоҷикистон "Дар бораи авф" қабул гардид, ки он ба 18038 маҳкумшуда татбиқ мегардад. Аз ҷумла, аз ҷойҳои маҳрумӣ аз озодӣ, аз муассисаҳои сукунатӣ ва ҷазоҳои дигари ба маҳрумӣ аз озодӣ алоқаманднабуда 11305 нафар озод мешавад. То имрӯз алакай як гурӯҳ маҳкумшудагон аз муассисаҳои ислоҳӣ озод шудаанд.

Сайёраи ҚИЁМИДДИН, “ҶТ”