Дар ҷамъбасти якумин намоишгоҳи маҳсулоти саноатии Ҷумҳурии Ӯзбекистон ва ҳамоиши соҳибкорони Ӯзбекистон-Тоҷикистон, ки моҳи апрели соли равон дар Душанбе, баргузор гашт, доираҳои соҳибкории Тоҷикистон ва Ӯзбекистон дар ҳаҷми 50 млн. доллар созишномаҳои ҳамкорӣ ба имзо расонидаанд.

Дар ин бора Шариф Саид, раиси Палатаи савдо ва саноати Тоҷикистон 12 июл зимни нишастӣ матбуотӣ гузориш дод.

Тавре зикр гардид, 17-19 апрел дар Маркази савдои “Пойтахт-90”-и шаҳри Душанбе Намоишгоҳи маҳсулоти саноатии Ҷумҳурии Ӯзбекистон баргузор гардид, ки дар он беш аз 160 корхона 1500 намуд маҳсулоти худро, муаррифӣ карданд.

Бино ба гуфтаи Ш. Саид баргузории чунин намоишгоҳҳои саноатӣ метавонад муносибатҳои иқтисодии дуҳамсоякишварро боз ҳам қавитар гардонад.

Меҳрубон ИМОМОВА, “ҶТ”