Имрӯз зимни нишасти хабарии ҶСК “Барқи тоҷик” Ҷомӣ Умаров, муовини директори генералии ҶСК “Шабакаҳои тақсимоти барқ” вобаста ба иҷроиши ками нақшаҳои идорааш суханронӣ намуда, зикр намуд, ки ҳаҷми неруи барқи ҳисобишуда дар нимсолаи якуми соли 2023 дар умум 7 млрд. 28 млн.кВт соат-ро ташкил дод, ки дар умум нисбат ба нақша 385 млн.кВт соат кам мебошад.

Ӯ гуфт: “Сабаби асосии кам гардидани неруи барқи ҳисобишуда нисбат ба нақша ин дар моҳҳои феврал-март ҷорӣ шудани маҳдудияти неруи барқ мебошад”.

Ҳамчунин дар нишаст зикр гардид, ки маблағи ҳисобишудаи неруи барқ бе назардошти ААИ (андоз аз арзиши иловашуда) дар давраи ҳисоботӣ 1 млрд. 849 млн. сомониро ташкил дода, ин нишондиҳанда аз нақша 105,8 млн. сомонӣ кам мебошад.

Рустам ОДИНАЕВ,
Гулафшон КАРИМОВА, “ҶТ”