Ба судҳои иқтисодии ҷумҳурӣ шаҳрвандон аз ҳама бештар ба масъалаи замин ва хоҷагиҳои деҳқонӣ муроҷиат мекардаанд.

Дар ин бора имрӯз – 1 август Рустам Мирзозода, раиси Суди Олии иқтисодии Ҷумҳурии Тоҷикистон зимни нишасти матбуотӣ хабар дод.

Номбурда қайд кард, ки ин навъи шикоятҳо бештар аз вилоятҳои Суғду Хатлон ба назар расида, дар шаҳри Душанбе бошад бештар шикоятҳое, ки ба суди иқтисодӣ ворид мегардад масъалаҳои истеҳсолиро дар бар мегирад.

- Мувофиқи натиҷаи омори фаъолияти судӣ дар нимсолаи аввали соли равон дар судҳои иқтисодии ҷумҳурӣ 1609 адад парвандаҳои иқтисодӣ баррасӣ гардидааст, ки нисбат ба ҳамин давраи соли гузашта, 17 адад зиёд мебошад, - гуфт Рустам Мирзозода.