ИҚТИСОД
Якшанбе 22 Декабр 2024 04:02
Тоҷикистон маротибаи шашум риштаи пахтагини худро дар Намоишгоҳи байналмилалии риштаи Истанбул, ки аз 2-юм то 5-уми феврал баргузор мегардад, ба доираи васеи харидорони байналмилалӣ нишон медиҳад.
Шаш корхонаи ресандагӣ – “Ваҳдат Текстил”, “Ноҳид”, “Олим Текстайл”, “РБТ Ресандаи Тоҷикистон”, “Файзи Истиқлол - 2011” ва “ХИМА Текстил” анъанаи хуби иштироки корхонаҳои Тоҷикистонро дар ин намоишгоҳи бузурги соҳавӣ идома медиҳанд.
“Ноҳид” ба намоишгоҳ барои дарёфти манобеи нави маводи хом меравад ва панҷ корхонаи дигар маҳсулоти худро ба харидорони эҳтимолӣ пешниҳод мекунанд.
Намоишгоҳи байналмилалии риштаи Истанбул мизбони беш аз 8000 боздидкунанда аз тақрибан 80 кишвари ҷаҳон хоҳад буд. Дар он, ки ҳамчун “қалби саноати ришта дар АвруОсиё” шуҳрат ёфтааст, нахи пахта, ришта, таҷҳизоти нассоҷӣ ва дӯзандагӣ, маҳсулоти нассоҷӣ ва ғайраро ба маъраз мегузоранд. Саидмуъмин Камолов, раҳбари дафтари Маркази тиҷорати байналмилалӣ дар Тоҷикистон, ки сарпарастии ин сафарро бар уҳда дорад, бар ин бовар аст, ки: “Намоишгоҳи байналмилалии риштаи Истанбул ба ширкатҳои мо имкон фароҳам меорад, то бо истеҳсолкунандагони пештози маҳсулоти нассоҷӣ аз минтақа вохуранд, бренди худро дар бозори минтақавӣ тақвият диҳанд, бо ширкатҳои истеҳсолӣ, воридоткунанда ва тоҷирон тамос барқарор кунанд, бо талаботу интизориҳои бозор ва равандҳои ҷорӣ дар он шинос шуда, барои худ маҳсулоти нав ва навовариҳоро кашф кунанд”.
Аъзои ҳайати Тоҷикистон мутмаинанд, ки иштирок дар ин намоишгоҳ имкониятҳои навро барояшон боз мекунад. Баҳром Мамадҷонов, мудири ширкати “РБТ Ресандаи Тоҷикистон”, мегӯяд, “соли гузашта, вақте мо дар ин намоишгоҳ бори нахуст иштирок кардем, бо панҷ шартнома баргаштем, ки барои ширкати ҷавони мо муваффақияти бузурге буд. Имсол, ман мутмаинам, ки иштирок дар ин намоишгоҳ бароямон хеле ҳам муфидтар хоҳад буд. Ин намоишгоҳ имкони хубест, то мо бо харидорони эҳтимолӣ робитаи мустақим барқарор намоем ва ҷуғрофиёи бозори худро тавсеа бахшем”.
МТБ бар ин бовар аст, ки иштирок дар намоишгоҳҳои байналмилалӣ барои корхонаҳои ҳамкори лоиҳа ҷиҳати ба намоиш гузоштани маҳсулоташон, шиносоӣ бо харидорони эҳтимолӣ ва барқарор кардани тамосҳои нави тиҷоратӣ, дарёфти маълумот доир ба таҷҳизоти замонавӣ ва талаботи бозори ҷаҳонӣ имкониятҳои фаровонро фароҳам меорад.
Шаш корхонаи ресандагӣ – “Ваҳдат Текстил”, “Ноҳид”, “Олим Текстайл”, “РБТ Ресандаи Тоҷикистон”, “Файзи Истиқлол - 2011” ва “ХИМА Текстил” анъанаи хуби иштироки корхонаҳои Тоҷикистонро дар ин намоишгоҳи бузурги соҳавӣ идома медиҳанд.
“Ноҳид” ба намоишгоҳ барои дарёфти манобеи нави маводи хом меравад ва панҷ корхонаи дигар маҳсулоти худро ба харидорони эҳтимолӣ пешниҳод мекунанд.
Намоишгоҳи байналмилалии риштаи Истанбул мизбони беш аз 8000 боздидкунанда аз тақрибан 80 кишвари ҷаҳон хоҳад буд. Дар он, ки ҳамчун “қалби саноати ришта дар АвруОсиё” шуҳрат ёфтааст, нахи пахта, ришта, таҷҳизоти нассоҷӣ ва дӯзандагӣ, маҳсулоти нассоҷӣ ва ғайраро ба маъраз мегузоранд. Саидмуъмин Камолов, раҳбари дафтари Маркази тиҷорати байналмилалӣ дар Тоҷикистон, ки сарпарастии ин сафарро бар уҳда дорад, бар ин бовар аст, ки: “Намоишгоҳи байналмилалии риштаи Истанбул ба ширкатҳои мо имкон фароҳам меорад, то бо истеҳсолкунандагони пештози маҳсулоти нассоҷӣ аз минтақа вохуранд, бренди худро дар бозори минтақавӣ тақвият диҳанд, бо ширкатҳои истеҳсолӣ, воридоткунанда ва тоҷирон тамос барқарор кунанд, бо талаботу интизориҳои бозор ва равандҳои ҷорӣ дар он шинос шуда, барои худ маҳсулоти нав ва навовариҳоро кашф кунанд”.
Аъзои ҳайати Тоҷикистон мутмаинанд, ки иштирок дар ин намоишгоҳ имкониятҳои навро барояшон боз мекунад. Баҳром Мамадҷонов, мудири ширкати “РБТ Ресандаи Тоҷикистон”, мегӯяд, “соли гузашта, вақте мо дар ин намоишгоҳ бори нахуст иштирок кардем, бо панҷ шартнома баргаштем, ки барои ширкати ҷавони мо муваффақияти бузурге буд. Имсол, ман мутмаинам, ки иштирок дар ин намоишгоҳ бароямон хеле ҳам муфидтар хоҳад буд. Ин намоишгоҳ имкони хубест, то мо бо харидорони эҳтимолӣ робитаи мустақим барқарор намоем ва ҷуғрофиёи бозори худро тавсеа бахшем”.
МТБ бар ин бовар аст, ки иштирок дар намоишгоҳҳои байналмилалӣ барои корхонаҳои ҳамкори лоиҳа ҷиҳати ба намоиш гузоштани маҳсулоташон, шиносоӣ бо харидорони эҳтимолӣ ва барқарор кардани тамосҳои нави тиҷоратӣ, дарёфти маълумот доир ба таҷҳизоти замонавӣ ва талаботи бозори ҷаҳонӣ имкониятҳои фаровонро фароҳам меорад.
Хабарҳои дигар
Рӯзнома
Эзоҳи худро нависед