Ба буҷети давлатӣ аз ҳама намуди андоз 15,3 млн. сомонӣ ворид гардида, даромади умумии аз натиҷаи фаъолият бадастомада 42,1 млн сомониро ташкил додааст, ки ин 106 фоизи иҷрои нақшаро ташкил менамояд.

Ҳусaйн Идиев, раиси Раёсати Иттифоқи “Тоҷикматлубот”, 20 июл, зимни нишасти хабарӣ бо зикри ин нукта афзуд, ки “Ҳаҷми умумии гардиши моли савдо ва хӯроки умумӣ ба 1,6 млн сомонӣ расид, ки нисбати нақша зиёд мебошад. Дар шаш моҳи соли ҷорӣ ба аҳолӣ ба маблағи 3,3 млн сомонӣ хизмати пулакӣ расонида шуда, ҳаҷми маблағи пардохти яквақта бошад 4,8 млн. сомониро ташкил намуд”.

Гуфта шуд, ки маблағи умумии кӯмакҳои молиявии ба ятимону маъюбон ва дигар аҳолии ниёзманд дар нимсолаи якуми соли 2017 аз тарафи Раёсати Иттифоқи Тоҷикматлубот расонидашуда 61 825 сомониро ташкил дода, барои таъмини аҳолӣ дар давраи тирамоҳу зимистон захираи 1255 тонна пиёз, 1740 тонна картошка ва 80 тонна дигар номгӯи маҳсулот пешбинӣ гардидааст.


Беҳрӯз ХОЛМУРОДОВ, “ҶТ”