ИҚТИСОД
Душанбе 17 Декабр 2018 01:29
3185
Дар нимсолаи якуми соли 2017 ба кишвар 446,8 ҳазор тонна гандум бо нархи миёнаи 207 доллари ИМА барои 1 тонна ворид карда шудааст, ки нисбат ба ҳамин давраи соли гузашта 19,2 ҳазор тонна ё 4,3 фоиз кам мебошад.

Саъдӣ Қодирзода, сардори Хадамоти зиддиинҳисории назди Ҳукумати кишвар, зимни нишасти хабарӣ бо зикри ин нукта афзуд, ки “Бозори воридоти гандум рақобатпазир буда, иштирокчиёни бозори моли мазкур 58 субъекти хоҷагидорро ташкил медиҳад, ки нисбат ба ҳамин давраи соли гузашта 3 субъекти хоҷагидор кам гардидааст”.

Ба қавли номбурда, дар ин давра ба ҷумҳурӣ 26,6 ҳазор тонна орд бо нархи миёнаи 265 доллари ИМА барои 1 тонна ворид карда шудааст, ки нисбат ба ҳамин давраи соли 2016 23,3 ҳазор тонна ё 46,7 фоиз кам гардидааст.

Таъкид гардид, ки истеҳсоли орд дар корхонаҳои истеҳсолии ҷумҳурӣ 313,2 ҳазор тоннаро ташкил медиҳад. Ҳаҷми умумии бозори молии орд бо назардошти истеҳсоли худӣ 339,8 ҳазор тоннаро ташкил дода, арзиши як халта орди истеҳсоли дохили кишвар бо гандуми воридотии Ҷумҳурии Қазоқистон дар корхонаҳои истеҳсолии вилояти Суғд навъи якум аз 145 то 152 сомонӣ ва навъи дуюм 132,5 сомонӣ мебошад.
Ба Тоҷикистон ғалла ва орд асосан аз Ҷумҳурии Қазоқистон ворид карда мешавад.

Беҳрӯз ХОЛМУРОДОВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.