Китоб дастгоҳест, ки хаёлотро афрӯхта мекунад.
                                                                                         Алан Беннетт, адиби англис

Маликшо Неъматзода,
раиси Федератсияи иттифоқҳои касабаи мустақили Тоҷикистон

Миллати тоҷик аз аввал китобхон буд. Мо дар худ як шиор дорем, “хонаи бекитоб, рӯзе беофтоб”. Ҳамин шиорро ман низ барои худ наздик шуморида, аз хурдсолӣ ба мутолиаи китоб завқи зиёд доштам. Айни замон дар рӯйи мизи кориам китоби “Деваштич”-и Давлатшоҳи Тоҳирӣ аст ва ба хондани он машғул ҳастам. Дар китоби мазкур муаллиф дар борои салтанату ҳукмронии Деваштич ва муборизаву талошҳои фидокоронаи ниёгони халқи тоҷик алайҳи истилогаронаи арабу ҷангҷӯёни зархариди онҳо нақл мекунад. Бо мутолиаи ин китоб мо боз аз нав ба таърихи худ ва қаҳрамонони бузурги тоҷик ошноӣ пайдо мекунем. Боиси ифтихор аст, ки имрӯз дар вилояти Суғд як ноҳия бо номи Деваштич гузошта шудааст.

Ман фикр мекунам, ки хондани китоб барои ҳамаи наврасон ва ҷавонон бояд анъана ва чизи маъмулӣ бошад. Гарчанде ки имрӯз техника ва технологияи муосир дар сафи пеш аст, аммо ҷойи китобро чизе намегирад. Аз ин рӯ, тавсияам ҳамин аст, ки ҷавонон аз китобхонӣ дур набошанд.




Номи китоб: “Деваштич”
Муаллиф: Давлатшоҳи Тоҳирӣ
Нашриёт: “Истеъдод”
Макон ва санаи нашр: шаҳри Душанбе, соли 2020


Таҳияи Наҷиба Муродбекова, “ҶТ”