Дар шаҳри Алмаатои Ҷумҳурии Қазоқистон 15 - умин Олимпиадаи байналмилалии Жаутиков “15^th International Zhautykov Olympiad 2019” аз фанҳои физика, математика ва технологияи иттилоотӣ, баргузор гардид ва хонандагони болаёқати кишвари мо бо 13 медал баргаштанд.

Аз Маркази ҷумҳуриявии дарёфт ва рушди истеъдодҳо хабар доданд, ки дар олимпиада Ҷумҳурии Тоҷикистонро 5 даста муаррифӣ намуд. Дар он инчунин, 532 нафар хонанда аз 20 давлати дунё, аз ҷумла, Русия, Қазоқистон, Узбекистон, ИМА, Озарбойҷон, Сербия, Гурҷистон, Туркменистон, Қирғизистон, Булғория, Беларус, Дания, Эрон, Руминия, Чехия, Арманистон, Туркия, Украина ва Муғулистон иштирок карданд.

Дар ҷамъбасти олимпиада новобаста аз рақибони пурзӯр хонандагони тоҷик тавонистанд миёни дигар кишварҳо бо сазовор гардидани 13 ҷойи ифтихорӣ, аз ҷумла 2 медали тилло, 1 медали нуқра ва 10 медали биринҷӣ Парчами Тоҷикистони азизамонро баланд бардоранд.

Ёдовар мешавем, ки аввалин медалҳоро дар соли 2019 ба кишвар хонандагони Литсейи барои хонандагони болаёқати шаҳри Душанбе, Литсейи барои хонандагони болаёқати равияи иқтисодии шаҳри Душанбе ва Литсейии “Ҳатам ПВ”- и шаҳри Душанбе оварданд.