Олимҷон Муҳаммадҷонзода, раиси Кумитаи забон ва истилоҳоти назди Ҳукумати Ҷумҳурии Тоҷикистон имрӯз зимни нишасти хабарии ниҳодаш гуфт, ки вобаста ба риоя накардани номҳои тоҷикӣ ва ғайриимлоӣ нисбати 22 нафар протоколи ҳуқуқвайронкунии маъмурӣ тартиб дода шудааст.

- Санҷишҳое, ки аз ҷониби Кумитаи забон ва истилоҳот анҷом шудааст, назорати матни ангораҳо ва навиштаҷоту овезаҳои рекламавӣ мавриди баррасӣ қарор дода, онро мувофиқа намудааст. Санҷишҳо дар шаҳри Душанбе ва дигар минтақаҳои кишвар нишон медиҳад, ки навиштаву овезаҳо ба имлои забони тоҷикӣ мутобиқат намекунанд. Чунин ҳолатҳо гарчанде зери назорати Кумита қарор дорад, вале бо вуҷуди ин чӣ гунае, ки мо дар шабакаҳои иҷтимоӣ огоҳ мешавем, ғалатҳо зиёд шуда истодаанд, - зикр кард номбурда.

Ӯ гуфт таҳлилҳо нишон медиҳанд, ки ин ҳолатҳо дар бештари маврид аз надонистани талабот забони давлатии Ҷумҳурии Тоҷикистон ва риоя накардани имлои забони давлатӣ мебошад.

Ҳамзамон, Олимҷон Муҳаммадҷонов баён дошт, ки дар нимсолаи аввали соли 2024 аз ҷониби судҳои ҷумҳурӣ вобаста ба риоя нагардидани талаботи Қонуни Ҷумҳурии Тоҷикистон “Дар бораи забони давлатии Ҷумҳурии Тоҷкистон” 22 парвандаи ҳуқуқвайронкунии маъурӣ нисбати 22 нафар баррасӣ гардида, ба шахсони ҳуқуқвайррнкунанда ҷазои маъмурӣ ба андозаи 22 ҳазору 965 сомонӣ тартиб дода шуда, аз ин маблағ 9 ҳазору 936 сомонӣ ба фоидаи давлат рӯёнида шудааст.