МАОРИФ ВА ИЛМ
Сешанбе 20 Август 2019 05:30
2244
МУАЛЛИФ: МАШҲУР ИМОМНАЗАРОВ

Шермамад Ҷонмамадов, ректори Донишгоҳи давлатии Хоруғ дар нишасти хабарӣ оид ба пешбурду дастовардҳои донишгох дар давоми соли сипаригашта маълумот дода, қайд намуд, ки соли гузашта 1176 нафар довталаб шомили донишгоҳ гаштанд, ки наздики 64 фоизи нақшаи қабулро ташкил дод. Ҳафт нафар устоди донишгоҳ давоми соли 2016 рисолаҳои номзадиро ҳимоя карда, рисолаҳои доктории ду омӯзгори дигар муҳокима шуданд ва барои ҳимоя пешниҳод гардиданд.

Ба гуфти Ш. Ҷонмамадов, давоми сол Донишгоҳи давлатии Хоруғ бо донишгоҳҳову барномаҳои байналмилалӣ робитаҳои ҳамкориро тақвият бахшид ва айни ҳол 16 нафар омӯзгори донишгоҳ дар марказҳои илмии хориҷи кишвар таҳсил карда истодаанд. Муждаи нек барои омӯзгорон ва донишҷӯёни Донишгоҳи давлатии Хоруғ дар соли нав он аст, ки моҳи апрел бо дастури Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон сохтмони бинои асосии донишгоҳ, ки аз нуҳ ошёна иборат хоҳад буд, шуруъ мешавад.

Тибқи иттилои сардори Раёсати маорифи вилоят Эраҷ Ҷонмирзоев, соли 2016 панҷ нафар хонандагони муассисаҳои таълимии миёнаи умумии вилоят дар олимпиадаи байналмилалӣ аз фанҳои математикаву физика иштирок намуда, хонандагони Литсейи Оғохон ва Мактаби президентӣ соҳиби ҷойҳои аввал гардиданд.

Дар озмуни ҷумҳуриявии «Муаллими сол» омӯзгори Мактаби президентии шаҳри Хоруғ Нилуфар Сабоиева сазовори мақоми дуюм гашт. Як соли охир дар ҳудуди вилоят панҷ иншооти соҳаи маориф мавриди истифодабарӣ қарор гирифта, чанд сохмони дигар дар марҳилаи бинокунӣ қарор доранд. Аз ҷумла биноҳои Раёсати маорифи вилоят, шуъбаҳои маорифи ноҳияҳои Ванҷ, Ишкошим ва муассисаҳои таълимии Шуғнону Ишкошим.

- Яке аз мушкилоти асосии соҳаи маорифи вилоят нарасидани омӯзгорони фанҳои физика, химия, география, технологияи информатсионӣ дар муассисаҳои таълимӣ мебошад, - афзуд Эраҷ Ҷонмирзоев.

Директори Институти илмҳои гуманитарии Академияи илмҳои Тоҷикистон Шодихон Юсуфбеков қайд намуд, ки ҳоло институт дар мавзӯъҳои забон ва адабиёт, фолклор, таърих, мардумшиносӣ, бостоншиносӣ ва тадқиқоти иҷтимоӣ- иқтисодии ВМКБ кор бурда истодааст. Феълан кормандони илмӣ ба ҷамъоварии маводҳо аз навоҳии вилоят ва кишварҳои ҳамҷавор, ки аҳолии помиризабон дар онҳо маскунанд (Афғонистон, Хитой, Покистон ва шимоли Ҳиндустон) сарукор доранд. Мувофиқи тавзеҳоти мавсуф аз рӯи мавзӯъҳои номбаршуда 24 нафар корманди илмӣ, ки 18 нафар номзад ва панҷ нафари дигар докторони илманд, корҳои илмӣ-тадқиқотиро бурда истодаанд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.