Имрӯз аз ҷониби Бахши кор бо ҷавонон ва варзиши ноҳияи Бохтар дар чор маҳаллаи ҷамоати деҳоти Ориёни ноҳия оид ба масъалаи ҷалби ҷавондухтарони деҳот ба таҳсил ва расонидани муҳтавои суханронии Пешвои миллат бахшида ба 10-солагии қабули Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” бо аҳолӣ силсилавохӯриҳо баргузор намуд.

Дар ин вохӯриҳо беш аз 700 нафар, аз ҷумла наврасону ҷавонон иштирок намуданд. Дар ҳошияи ин вохӯриҳо дар байни иштирокчиён, бахусус наврасону ҷавонон саволу ҷавоб доир шуд, ки фаолон бо туҳфаҳои хотиравии Бахши кор бо ҷавонон ва варзиш қадрдонӣ гардиданд.

Чунин суҳбату вохӯриҳо, ки дар заминаи нақша-чорабиниҳои Кумитаи кор бо ҷавонон ва варзиши назди Ҳукумати ҷумҳурӣ асос меёбанд, дар дигар ҷамоатҳои шаҳраку деҳоти ноҳияи Бохтар идома доранд.