МАОРИФ ВА ИЛМ
Панҷшанбе 30 Июн 2022 10:02
8584
Дар Донишкадаи давлатии забонҳои Тоҷикистон ба номи Сотим Улуғзода ҷиҳати ба талаботи замон мутобиқ гардондани раванди таълим ва баланд бардоштани сифати забономӯзӣ тадбирҳои мушаххас андешида мешаванд, - гуфт зимни нишасти хабарӣ ректори донишкада Жило Гулназарзода.

Номбурда аз ҷумла зикр намуд, ки дар ин давра 5 нафар унвонҷӯ ва омӯзгорони донишкада рисолаи номзадӣ дифоъ намуданд. Ҳамзамон аз ҷониби омӯзгорони донишкада 17 монография, 38 дастури таълимӣ, таълимӣ-методӣ, 6 китоби дарсӣ таҳия ва чоп шудааст, ки нисбат ба соли пешин 16 номгӯй зиёд мебошад.

Айни замон дар Донишкада мутахассисон аз рӯи 11 забон ва 31 ихтисос дар зинаи бакалавриат, 5 ихтисос дар зинаи магистратура ва 5 ихтисос дар зинаи докторантура бо касбҳои барои бозори меҳнат рақобатпазир тайёр карда мешаванд. Аз ин шумора дар шуъбаи рӯзона – 3418 нафар, дар шуъбаи таҳсилоти фосилавӣ -1627 нафар, дар зинаи магистратура – 86 нафар, дар зинаи докторантура – 31 нафар таҳсил мекунад.

Шумораи донишҷӯёни хориҷӣ 572 нафар буда, 6 нафар шаҳрванди хориҷӣ ба фаъолияти омӯзгорӣ машғуланд. Ҳамчунин 2 нафар шаҳрвандони Мексика курси пурраи омӯзиши забони тоҷикиро хатм намуда, 3 нафар шунаванда айни ҳол аз Филиппин ва Кореяи Ҷанубӣ ба омӯзиши забони тоҷикӣ ҷалб карда шудаанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Июн 2022 c.