МАОРИФ ВА ИЛМ
Якшанбе 20 Сентябр 2020 01:13
2273
Шумо агар хоҳиши таҳсилоти олӣ гирифтан дошта бошед, вале дар баробари он мудом бо таҳсил банд нашавед, чанд маслиҳатро ба гӯш гиред. Асрори таҳсили аъло дар мактаби олӣ мураккаб нест, вале онҳоро риоя намуда, шумо ба дастовардҳои калон ноил мегардед. Ба андешаи мо, таҳсил дар мактаби олӣ ба монанди таҳсил дар мактаби миёна мушкил нест. Табиист, ки донишҷӯён ба даъвои мо розӣ намешаванд. Мо ҳоло исбот менамоем, ки онҳо хато мекунанд. Инчунин дар бораи роҳҳои ноил гаштан ба муваффақият суҳбат мекунем.

Шумо бояд фаромӯш накунед, ки таҳсили муваффақона танҳо дар ҳолате имконпазир мегардад, ки агар шумо мактаби олиро бошуурона интихоб карда бошед ва хоҳиши ҳамон илмеро доред, ки ба шумо зарур аст. Бо вуҷуди он, аксар вақт донишҷӯён лексияҳоро бо дили нохоҳам мешунаванд, вале аз ду сар имтиҳон месупоранд. Қайд кардан лозим аст, ки чунин донишҷӯён ҳамеша аз донишҷӯёне, ки фан писандашон аст, қафо мемонанд. Дар воқеъ, агар шумо чанд сол боз дар мактаби олӣ таҳсил дошта бошед, дар бораи сирри шунидани лексияҳои хуб бо шумо гуфтугӯ кардан чандон аҳамият надорад.

Мактаби олӣ манбаъҳои мушаххас ва номушаххас дорад. Манбаи мушаххаси мактаби олӣ омӯзиши фанҳо аст. Фанҳо мудом бо ҳам робита дошта, агар хотираи хуб дошта бошед, онҳоро бе мушкилӣ меомӯзед. Як маълумотро дар як лексия шунида, онро ба хотир мегиред ва дар лексияи фанни дигар ба осонӣ истифода мебаред. Бинобар ҳамин, донишҷӯ пеш аз ҳама бояд хотираи қавӣ дошта бошад. Манбаи номушаххаси мактаби олӣ - санҷиши донишҳост. Муаллимон асосан дидан мехоҳанд, ки шумо чӣ тавр фанро мефаҳмед. Мутаассифона, аксари донишҷӯён фанҳоро дуруст намефаҳманд, бинобар ҳамин, кӯшиш мекунанд, ки барои омодагӣ ба имтиҳон мавзӯъҳоро азёд кунанд. Муаллимон чунин донишҷӯёне, ки фанро азёд мекунанд, чандон намеписанданд, бо ҳамин сабаб ба онҳо баҳои паст мегузоранд. Педагог фаҳмиши шуморо дидан мехоҳад. Агар шумо дар имтиҳон дониши умумӣ намоиш диҳед, он гоҳ дар 90 фоизи ҳолатҳо муаллим ба шумо баҳои баланд мегузорад. Фаромӯш накунед, ки фаҳмиши умумӣ низ вуҷуд дорад. Метавонед чанд сухани умумӣ дар бораи мутафаккирон гӯед. Ин ҳолат шуморо дар назари муаллим ҳамчун донишҷӯи бофарҳанг ва донишманд намоиш медиҳад. Вале аз ҳад нагузаронед, зеро муаллимон одамони беҳудагӯро низ чандон хуш надоранд ва кӯшиш мекунанд, ки онҳоро хомӯш созанд. Ҳар кор ҳадду ҳудуд дорад.
Ба шумо, ба монанди мактаби миёна, вақти донишҷӯӣ мудом исбот кардани донишҳоятон зарур нест. Муаллим ба шумо лексия мехонад, шумо метавонед ҳатто лексияи муаллимро конспект накунед. Донишгоҳ маконест, ки шуморо ба шахси мустақил ва масъулиятшинос табдил медиҳад. Бинобар ин шумо метавонед ҳатто дар лексия иштирок накунед. Вале он гоҳ имтиҳон супоридан бароятон мушкил мегардад. Беҳтараш ба имтиҳонҳо ва санҷишҳо пешакӣ тайёрӣ бинед. Бо ин мақсад конспект навишта, бо тамоми қувва кӯшиш кардан лозим. Бовар кунед, вақте аз синф бо баҳои баланд мебароед, он гоҳ қимати кӯшишу ғайрататонро мефаҳмед. Заҳматаҳоятон ҳаргиз барҳадар намераванд, ҳатто вақте ки муаллим дар баҳогузорӣ одами чандон сахӣ набошад ҳам. Шумо аз ду сар дониш аз худ мекунед ва он дар оянда буш мо лозим мешавад.

Имтиҳон барои донишҷӯ чизи аз ҳама муҳим дар вақти таҳсилаш аст. Дар имтиҳон муаллим аз шумо метавонад қасдашро ситонад, инчунин метавонад муносибати хуб кунад.

Сирри дигари аълохонӣ дар мактаби олӣ: бо муаллимон дӯстӣ кунед. Касе намегӯяд, ки бо муаллим чой нӯшед ва ба хонааш меҳмонӣ равед. Танҳо бо вай дӯстона муносибат кунед. Салому алейк гӯед, дарсҳояшро бодиққат гӯш кунед. Илова бар он, хеле муҳим аст, ки шумо дар хотираи муаллим монед. Албатта, муаллим садҳо донишҷӯро дар хотир гирифта наметавонад. Вале агар шумо ба назди муаллим рафта, ба вай дар бораи мавзӯи нав чанд савол дода, посух гиред, муаллим шуморо албатта, дар хотир мегирад. Бо ҳамин васила шумо якбора ба ду мақсад мерасед: ҳам иттилои нав мегиред, ҳам бо муаллим наздик мешавед.

Барои аълохон шудан боз кадом корҳо муҳиманд? Тамоми вақтатонро дар китобхона нагузаронед. Муошират бо ҳамсабақон низ барои шумо муҳим аст. Аксар вақт чунин мешавад, ки ҳамсабақон иттилоотеро медонанд, ки ба шумо низ муҳим аст. Кори илмиро беҳтараш бо ҳамсабақатон якҷоя анҷом диҳед.

Ноила ВОҲИДОВА, "ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.