Аз миёни 4821 нафар хатмкунандагони Донишгоҳи миллии Тоҷикистон дар соли ҷорӣ 198 нафарашон соҳиби дипломи аъло гардидаанд. Дар ин хусус, имрӯз, 11 июл зимни баргузории нишасти матбуотии донишгоҳ ба намояндагони ВАО иттилоъ дода шуд.

Абдусалом Миралиев, ноиби ректори ДМТ оид ба таълим иброз дошт, ки “ин ҳама дастовардҳои мо самараи дуруст ба роҳ мондани таълиму тарбия мебошад”. Бино ба гуфтаи А. Миралиев, роҳбарияти донишгоҳ бо дастгирии Ҳукумати ҷумҳурӣ солҳои охир дар ин самт корҳои зиёдеро ба анҷом расонидаанд, вале ин ҳоло роҳбарияти ДМТ-ро қаноатманд намекунад.

“Мо нақша дорем насби камераҳои назоратиро дар синфхонаҳо ба роҳ монем. Ба ин васила мо аз рафти дасргузарии омӯзгорон огаҳ мегардему падару модарон бошанд, бо рақамчинӣ намудани суроғаи сифхонаи фарзандашон тавассути интернет дар ҳар ҷое набошанд, раванди таҳсили фарзанди худро назорат мекунанд”,- афзуд А. Миралиев.

Шодихони НАЗАР, “ҶТ”