МАОРИФ ВА ИЛМ
Шанбе 20 Апрел 2024 03:46
8380
25 октябр дар Донишгоҳи миллии Тоҷикистон бори нахуст озмоишгоҳи муосири нанотехнологӣ кушода шуд.

Озмоишгоҳ бо ибтикор ва кумаки бевоситаи Ҷумҳурии исломии Эрон барои густариши ҳамкориҳои илмӣ ва омӯзиши технологияи муосир ифтитоҳ гардида, дар  маросими ифтитоҳи он Муҳаммадтақии Собирӣ, сафири Эрон дар Тоҷикистон, Хушвахтзода Қобилҷон, ректори ДМТ ва дигар намояндагони расмӣ иштирок доштанд.

Дастгоҳҳои нанотехнология барои самтҳои таҳқиқи илмҳои табиӣ, аз ҷумла химия, физика, геология ва биология манфиатовар буда, аз “Электроспиннинги якнасоса” (Electrospinning), “Спитеринги рӯимизӣ” (Desktop Sputtering), “Инфиҷори барқии сим” (EEW), “Спектрофотометри нури дугона” (Dual beam spestpophotometer), “Гомогенизатори ултрасадои 400 Вт” (Ultrasonic homogenizer) ва “Осиёби сайёра” (Planetaru Ball Mill) иборат аст ва функсияҳои муосири илмӣ – техникиро иҷро менамоянд.

Гуфта мешавад, ки бо дастгирии сафорати Эрон коршиноси бахши нанотехнология Ҳусайн Гилонӣ давоми як ҳафта ба Институти илмӣ – таҳқиқотии Донишгоҳ даъват шуда, ҷараёни фаъолияти дастгоҳҳоро ба мутасаддиёни институт омӯзонд.

Мавриди зикр аст, ки нанотехнология аз соли 2001 инҷониб дар Эрон рушд карда, аз ҷиҳати истеҳсолоти нанотехнология дар ҷаҳон Эрон ҷойи чорумро ишғол менамояд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.