Маҷмӯи мақолаҳои донишҷӯёни соли 4-уми бахши рӯзноманигории Донишгоҳи давлатии Қӯрғонтеппа ба номи Носири Хусрав аз чоп баромад.

Маҷмӯаи мазкур, ки номи “Хомаи созанда”-ро гирифтааст, намунаҳои эҷоди 17 нафар аз ҷавонони фаъол - хатмкунандаҳои соли 2017-и риштаи рӯзноманигории ДДҚ ба номи Носири Хусрав (аъзои фаъоли маҳфили «Рӯзноманигорони ҷавон»)-ро фаро гирифтааст.

Носирҷон Маъмурзода, муҳаррири масъули маҷмӯа гуфт, ки аксари шогирдоне, ки аз рӯйи ихтисоси рӯзноманигорӣ дар ДДҚ ба номи Носири Хусрав таҳсил мекунанд, ҷавонони соҳибистеъдоданд. «Омӯзиши мо ба шогирдон – журналистони оянда ҳамин аст, ки ҳамеша болои худ кор кунанд ва аз дастовардҳои эҷодӣ қонеъ набошанд. Зеро вақте журналист аз кори худ қаноатманд шуд, аз рушд мемонад, барои ҳамин мебояд бештар, ҷустуҷӯю омӯзишро зиёд кард», - афзуд ӯ.

«Хомаи созанда» бо теъдоди 150 нусха чоп шудааст.

Умед Мирзоев, "ҶТ"