МАОРИФ ВА ИЛМ
Якшанбе 08 Сентябр 2024 04:51
![10016](/upload/iblock/b7a/%D0%9A%D0%B8%D1%82%D0%BE%D0%B1.jpg)
Сар аз 14 феврал - Рӯзи ҷаҳонии ҳадяи китоб дар сартосари кишвар аксияи тарғиботие таҳти унвони “Китоб барои муҳофизони Ватан” роҳандозӣ гардида истодааст, ки дар доираи он ашхоси гуногун барои муҳофизони Ватан – сарбозону афсарони қисмҳои низомӣ китоб ҳадя мекунанд.
Дар Тоҷикистон таҷрибаи чунин як иқдоми сартосарӣ барои нахустин бор аст, ки роҳандозӣ мегардад. Он бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Иттифоқи ҷавонони Тоҷикистон бахшида ба таҷлили 31 - солагии таъсисёбии Қувваҳои Мусаллаҳи Ҷумҳурии Тоҷикистон амалӣ гардида истодааст.
Чигунае ки Фаридун Ҳусейнзода, роҳбари дастгоҳи Иттифоқи ҷавонони Тоҷикистон гуфт, аксияи мазкур бо мақсади паҳн кардани китоб ҳамчун манбаи дониш миёни сарбозони қисму воҳидҳои низомӣ роҳандозӣ гардида, ҳадаф аз он боло бурдани фарҳанги миллӣ ва таҳкими худшиносӣ миёни онҳо мебошад.
- Ба ин васила мо метавонем бо қисмҳои ҳарбӣ робитаи худро мустаҳкам намуда, аз ҳоли сарборзон огоҳ гардем. Ҳамчунин, барои баланд гардидани ҳисси худшиносии сарбозон саҳмгузор бошем. Дар аксия ҳар нафар китоби хондаи худро метавонад бо дастхати худ тақдим кунад,-илова кард Ҳусейнзода.
Ҳамчунин, гуфта шуд, ки айни ҳол шумораи зиёди китобҳо аз чеҳраҳои саршинос, роҳбарони ташкилоту идораҳо ва дигар қишрҳои ҷомеа гирдоварӣ шуда, ба қисмҳои низомӣ ирсол гардидааст.
Ба гуфтаи масъулин иқдоми мазкур то 23 феврал идома ёфта, дар рӯзи таъсиси Қувваҳои Мусаллаҳ ҷамбаст мегардад.
Гулафшон КАРИМОВА, “ҶТ”
Дар Тоҷикистон таҷрибаи чунин як иқдоми сартосарӣ барои нахустин бор аст, ки роҳандозӣ мегардад. Он бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Иттифоқи ҷавонони Тоҷикистон бахшида ба таҷлили 31 - солагии таъсисёбии Қувваҳои Мусаллаҳи Ҷумҳурии Тоҷикистон амалӣ гардида истодааст.
Чигунае ки Фаридун Ҳусейнзода, роҳбари дастгоҳи Иттифоқи ҷавонони Тоҷикистон гуфт, аксияи мазкур бо мақсади паҳн кардани китоб ҳамчун манбаи дониш миёни сарбозони қисму воҳидҳои низомӣ роҳандозӣ гардида, ҳадаф аз он боло бурдани фарҳанги миллӣ ва таҳкими худшиносӣ миёни онҳо мебошад.
- Ба ин васила мо метавонем бо қисмҳои ҳарбӣ робитаи худро мустаҳкам намуда, аз ҳоли сарборзон огоҳ гардем. Ҳамчунин, барои баланд гардидани ҳисси худшиносии сарбозон саҳмгузор бошем. Дар аксия ҳар нафар китоби хондаи худро метавонад бо дастхати худ тақдим кунад,-илова кард Ҳусейнзода.
Ҳамчунин, гуфта шуд, ки айни ҳол шумораи зиёди китобҳо аз чеҳраҳои саршинос, роҳбарони ташкилоту идораҳо ва дигар қишрҳои ҷомеа гирдоварӣ шуда, ба қисмҳои низомӣ ирсол гардидааст.
Ба гуфтаи масъулин иқдоми мазкур то 23 феврал идома ёфта, дар рӯзи таъсиси Қувваҳои Мусаллаҳ ҷамбаст мегардад.
Гулафшон КАРИМОВА, “ҶТ”
Эзоҳи худро нависед