МАОРИФ ВА ИЛМ
Чоршанбе 16 Октябр 2019 07:06
2626
Ба истифода додани як мактаби замонавӣ дар ноҳияи Мир Саид Алии Ҳамадонии вилояти Хатлон, ки маблағи сарфшудааш 23 миллион сомонӣ будааст ниёзди мардумро, ки доштани мактаби замонавӣ орзуяшон буд бароварда кард.

Дар расми ифтитоҳи ин мактаби рақами №14, ки чанд рӯзи пеш ба истифода дода шуд, Қоҳир Расулзода, сарвазири кишвар Нуриддин Саид, вазири маориф ва илм ва Давлатшоҳ Гулаҳмадзода, раиси вилояти Хатлон бо ҳузури даҳҳо сокини ноҳияи номбурда ширкат карданд.

Тибқи иттилои Шӯъбаи таҳлил ва иттилооти ҳукумати вилояти Хатлон муассисаи таълимие, ки тоза ба истифода дода шуд, бо маблағи 23 миллион сомонии Фонди Саудии рушд сохта шудааст. Дар баробари ифтитоҳи ин мактаб дар рафти сафари кории сарвазири кишвар дар деҳаи "Хуррамзамин"-и деҳоти «Фархор»-и ноҳияи Фархор дар муассисаи миёнаи умумии №15-и ноҳия 23 синфхона, 7 утоқи корӣ барои муаллимон ба истифода доданд.

Қоҳир Расулзода ва Нуриддин Саид дар расми ифтитоҳи мактаби нав ва синфхонаҳо ба устодону шогирдон таманои омӯзиши хубро намуда, зикр карданд, ки ҳукумати кишвар мактабу маъорифро дар сиёсати худ дар ҷойи аввал гузошта, талош мекунад, ки дар шаҳру навоҳи мактабҳои нав барои хонандагон ба истифода диҳад.

Дар соли 2016 ва се моҳи аввали соли 2017 дар минтақаи Кӯлоби вилояти Хатлон 11 бинои муассисаҳои миёнаи умуми барои 5140 нафар ҷойи нишаст ва беш аз 900 синфхона аз буҷаи кишвар, соҳибкорон ва фонди  Саудии рушд сохта ба истифода дода шудааст.

Умед Мирзоев, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.