МАОРИФ ВА ИЛМ
Якшанбе 20 Сентябр 2020 11:40
2267
Асри 21-ро бе истифода аз техникаю технологияи муосир тасаввур кардан мушкил аст, зеро илм ба суръати кайҳонӣ пеш рафта истодааст. Ин нуктаро Зафар Воҳидов ба хубӣ дарк намуда, ба ихтироот машғул аст. Шавқу завқ ва талошҳояш дар роҳи мазкур барабас нарафта, ниҳоят ба сохтани чанд таҷҳизот дастёб гардид.    

Зафар донишҷӯи Донишгоҳи техникии Тоҷикистон ба номи М. Осимӣ мебошад. То имрӯз се ихтироъ кардааст. Аз ҳарсеи ихтирои кардашуда якеаш пурра амалкунанда буда, дуи дигараш дар ҳолати коркард қарор дорад.
Ихтирооте, ки ӯ анҷом додаасту айни ҳол пурра амалкунанда аст, миниэкскаватор мебошад. “Ин экскаваторро дар муддати ду моҳ сохтам. Идеяи таҳияи чунин як ихтироот албатта, пас аз мушоҳидаҳои зиёд пайдо гардид. Чун шавқу завқи ихтироъ кардан дорам, ҳамеша пайи он талош меварзидам, ки то чизи наве офарам, ки то ҳол касе онро пешкаш накарда бошад. Дар натиҷаи таҳқиқот ва заҳматҳои пайваста бароям муяссар гардид, то як чизеро биофарам, ки дар воқеъ мувофиқ ба талаботи рӯз аст”, - мегӯяд Зафар.

Ду ихтирои дигаре, ки ҳоло пайи пурра сохтани он пардохтааст, яке микроавтобуси бо нерӯи офтоб ҳаракаткунанда, дигараш дастгоҳи парвозкунандаи дорупошӣ мебошад.

Миниэкскаватори сохтаи Зафар Воҳидов 800 кг вазн дошта, 500-600 килоро мебардораду хароҷоташ дар 2 соат 1,5 литр сӯзишвории дизелӣ мебошад. Яке аз фарқиятҳои ин экскаватор он аст, ки дар ибтидо хурд буда, ба ҷойҳое ки экскаватори калон рафта наметавонад, меравад. Он барои кандани чуқурӣ барои кабелҳо, дарахтон, қубурҳои обгузар ва тоза кардани ҷӯйборҳо хеле қулай аст.

Тавсифномаи техникии миниэкскаватор:
- Тавоноии муҳаррик – 11,3 кВт;
- Дарозии максималии коркард бо кавш (м) – 3,19;
- Баландии максималии боркунӣ (м) – 1,80;
- Чуқурии максималии коркарди хок (м) – 1,2;
- Ҳаҷми самараноки кавш – 10 л (0,01м3).

Ба таъкиди ӯ, яке аз серталабтарин воҳиди техникӣ экскаватори хурд мебошад, ки онро васеъ истифода мебаранд. Бартарии ин техникаи хурди пешниҳодшуда дар он аст, ки дар шароити маҳдуди ҷой, дар дохили бино, пайроҳаҳо ва гузаргоҳҳо кор карда метавонад. Бартарии дигари ин техникаи хурд истеҳсолоти баланд дар баробари андозаҳои хурд мебошад. Ҳангоми кандани ҷой барои таҳкурсиҳо, корҳои заминӣ, гузаронидани қубурҳои газ, барқ, шабакаҳои алоқа ва об ин техникаи пешниҳодшуда истифода мешавад.

Мехоҳад, то ин ихтирооти худро дар Маркази миллии патенту иттилоот ба қайд гираду ихтироаш дорои патент гардад. Ӯ боварӣ дорад, ки агар ихтироъкорони ҷавон бисёртар дастгирӣ ёбанд, ихтироот зиёд гардида, механизмҳои нав сохта хоҳанд шуд.

Беҳрӯз ХОЛМУРОДОВ,"ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.