МАОРИФ ВА ИЛМ
Якшанбе 05 Июл 2020 02:27
4693
2 августи соли равон дар Китобхонаи миллии Тоҷикистон бо ташаббуси Клуби волонтёрони Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи маҳфили “Хуштар зи китоб, дар ҷаҳон ёре нест” чорабинии илмӣ - адабӣ таҳти унвони "Нақши “Баҳористон”-и Ҷомӣ дар тарбияи худшиносии миллии ҷавонону наврасон" баргузор гардид.

Дар маҳфил доир ба хусусиятҳои тарбиявӣ - ахлоқии асар сухан рафта, таъкид гардид, ки ин асари барҷастаи Абдураҳмони Ҷомӣ, яке аз намунаи осори ниёгон баҳри тарбияи ҷавонон ва наврасон ба ҳисоб меравад. “Баҳористон”дармиёни дигар асарҳои шоир мавқеъ ва мартабаи хос дошта,ҷойи намоёнро ишғол менамояд. Ҷомӣ “Баҳористон”-ро ҳамчун асари панду ахлоқӣ барои писараш Зиёуддин Юсуф таълиф намудааст, ки ӯ аз хурдсолӣ ба тарбияи ҷиддии фарзандаш машғул шуда буд.

Дар кори маҳфил зикр гардид, ки асари мазкур аҳамияти бузурги адабиву тарбиявидошта, дар замири инсон ҳиссу эҳсоси ахлоқи неки инсониро зиёд мегардонад.

Зимни баромади хеш роҳбари маҳфили “Хуштар зи китоб дар ҷаҳон ёре нест” иброз намуданд, ки ҳадаф аз баргузории чорабинӣ,ҷалб намудани ҷавонону наврасон ба китобхонию илмомӯзӣ ва баланд бардоштани завқи китобхонии ҷавонон мебошад.

Минбаъд ин чорабинӣ бо як тарзу усули нав ва идеяҳои ҷолиб бо иштироки ҷавонону наврасон ҳар рӯзи панҷшанбе дар Китобхонаи миллии Тоҷикистон баргузор хоҳад гашт.

Бояд гуфт, ки масъалаи донишомӯзӣ, китобхонӣ ва забонҳои гуногунро аз худ намудани ҷавонону наврасон дар маркази таваҷҷӯҳи ҳамешагии Асосгузори сулҳуваҳдати миллӣ - Пешвои миллат, Президенти ҶумҳурииТоҷикистон, муҳтарам Эмомалӣ Раҳмон қарор дорад.

Баргузории маҳфили “Хуштар зи китоб дар ҷаҳон ёре нест” дар самти ҷалби ҷавонон ба китобхонӣ арзёбӣ карда мешавад.

Зимни чорабинӣ иштирокчиёни маҳфил низ фаъолона иштирок намуда, фикру ақидаҳои худродар равиши баргузории он иброз доштанд.

Таҳияи хабарнигори ҷамъиятӣ Шоира Маликова 

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.