МАОРИФ ВА ИЛМ
Якшанбе 16 Июн 2019 07:38
5946

Наврасону ҷавонон ояндаи давлату миллат буда, ҷиҳати рушди неруи зеҳниву ҷисмонии онҳо аз тарафи Ҳукумати мамлакат пайваста тадбирҳои зарурӣ андешида мешавад.

Бо ибтикори Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон аз ибтидои соҳибистиқлол дар ҳама гӯшаву канори мамлакат барои ба таълиму тарбия ҷалб намудани наврасону ҷавонон муассисаҳои гуногуни ибтидоиву олӣ сохта ва ба истифода дода шудаанд.

Ҷавонону наврасон бо истифода аз ин имкониятҳо имрӯз илму дониш омӯхта, бо иштирок дар озмуну олимпиадаҳои ҷумҳуриявӣ ва ҷаҳонӣ сатҳи дониши хешро нишон медиҳанду кишварро муаррифӣ месозанд.

Имрӯз бо шарофати сиёсати маорифпарваронаи Пешвои муаззами миллат ва рушду инкишоф додани соҳаи маориф хонандагони тоҷик сол то сол дар олимпиадаҳои байналмилалӣ бештар иштирок намуда, сазовори ҷойҳои ифтихорӣ мегарданд.

Аз ҷумла тӯли чор моҳи соли 2019 хонандагони ҷумҳурӣ дар олимпиадаҳои байналмилалии “15th IZHO-2019” Қазоқистон - Алма-Ато, “У.Жалдосбеков” Қазоқистон- Алма-Ато”, “2-юмин Озмуни математикии аврупо” Беларус – Минск”, “8-умин Олимпиадаи байналмилалӣ” Тайланд - Бангкок, “Ломоносов” Россия – Москва, “INFOMATRIX ASIA 2019” Қазоқистон – Алма - Ато, “MIYIO-2019” Малайзия - Кедаҳ, “Забони англисӣ барои рушди ҷаҳонишавӣ” Русия- Москва, “INFOMATRIX 2019” Руминия - Бухарест, “53th International Mendeleev Chemistry” Русия - Санкт Петербург, “7th HIPPO” Италия – Венетсия ширкат варзида, бо хираду дониши худ Тоҷикистони азизамонро миёни давлатҳои дигар муаррифӣ намуданд.

Бино ба иттилои Муассисаи давлатии “Маркази ҷумҳуриявии дарёфт ва рушди истеъдодҳо”-и Вазорати маориф ва илми ҷумҳурӣ, хонандагони кишвар дар натиҷаи иштирок дар 11 олимпиадаи байналмилалии чор моҳи охир, ки дар давлатҳои Қазоқистон, Беларус, Тайланд, Русия, Малайзия, Руминия ва Италия баргузор гардиданд, сазовори 133 медал, аз ҷумла 33 медали тилло, 25 медали нуқра ва 75 медали биринҷӣ шуданд, ки нисбат ба ҳамин давраи соли гузашта 27 медал зиёд мебошад.

Дастоварди навбатии хонандагони тоҷик натиҷаи дастгириҳои пайвастаи Ҳукумати мамлакат буда, онҳоро лозим аст, минбаъд низ бо сайқал додани донишу малакаи хеш дар озмуну олимпиадаҳои ҷаҳонӣ иштирок намоянду Парчами кишварро миёни дигар давлатҳои иштирокчӣ баланд бардоранд.

Ҷумъагул Назруллозода,

волонтёри “ҶТ

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.