Дар доираи ҷаласаи Шурои директорони шарикии глобалӣ дар соҳаи маориф дар шаҳри Берлини Ҷумҳурии Федеративии Олмон вазири маориф ва илми Ҷумҳурии Тоҷикистон Раҳим Саидзода бо вазири рушд ва ҳамкории иқтисодии Ҷумҳурии Федеративии Олмон Свенжа Шултс вохӯрӣ намуд.

Дар ин бора аз маркази матбуоти Вазорати маориф ва илми Ҷумҳурии Тоҷикистон хабар доданд.

Бино бо иттилои манбаъ, дар вохӯрӣ масъалаҳои шиносоӣ бо низоми таҳсилоти дуалии Олмон ва фаъолияти муассисаҳои дахлдор, муҳокимаи ҷамъбасти масъалаҳои ҳамкории минбаъдаи минтақавӣ дар соҳаи таҳсили касбӣ, иқтисоди “сабз”, таҳияи стандартҳои касбӣ, рушди сифати таҳсил ва роҳнамоии касбӣ мавриди баррасӣ қарор гирифтанд.

Свенжа Шултс вохӯриро дар доираи ҷаласа иқдоми созанда дар рушди ҳамкорӣ унвон кард.