20-уми сентябр дар Коллеҷи тиббии ноҳияи Рашт мулоқоти намояндагони Кумитаи кор бо ҷавонон ва варзиши кишвар бо муҳассилини Коллеҷ ва ҷавонони фаъоли ноҳия доир гардид.

Нахуст роҳбарияти Коллеҷ меҳмононро хайрамақдам гуфта, дар бораи фаъолияти муассисаи таълимӣ ба ҳозирин маълумот дод.

Пас аз мулоқот бо ҷавонон дар Коллеҷ бахшида ба “Соли ҷавонон” барномаи фарҳангии “Шоми ҷавонӣ”, ки аз ҷониби волонтиёрони Бахши кор бо ҷавонон ва варзиши ноҳияи Рашт омода гардида буд, баргузор гардид.

Бояд гуфт Коллеҷи тиббии ноҳияи Рашт соли 2016 бо иштироки бевоситаи Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар фазои тантанавӣ ифтитоҳ гардида буд.

Дохилшавӣ ба коллеҷи мазкур тариқи имтиҳонҳои марказонидаи дохилшавии Маркази миллии тестӣ ба роҳ монда шуда, дар он кадрҳои баландихтисос омода карда мешаванд.