16 ноябр дар боғи фарҳангӣ-фароғатии ба номи устод Садриддин Айнӣ дар шаҳри Бӯстон ба ифтихори Рӯзи Президенти Ҷумҳурии Тоҷикистон сайругашти оммавӣ, чорабиниҳои варзишӣ ва фарҳангӣ доир гардиданд.

Тибқи иттилои мудири Бахши кор бо ҷавонон ва варзиши шаҳри Бӯстон Хусравшоҳ Исмоилзода дар ин рӯз зиёда аз 2 ҳазор нафар ҷавонон ба идгоҳ ташриф оварда, дар фазои сулҳу суботи ҷомеа ва дастгириҳои пайгиронаи Сарвари ҷавонпарвари худ шодиву нишот намуданд.

Дар ин рӯз, ҳамзамон варзишгарони ҷавон аз рӯи намудҳои гуногуни варзиш машқу тамрин намуда, барномаҳои рангини фарҳангиро пешкаши ҳамагон гардониданд.