МАОРИФ ВА ИЛМ
Душанбе 08 Август 2022 09:05
813
19-уми апрел дар меҳмонхонаи “Шератон”-и шаҳри Душанбе намоишгоҳи  XVIII байналмилалии таълимӣ, сайёҳӣ ва иноватсионӣ оғоз ёфт. Дар он намояндагони 16 донишгоҳ аз Малайзия, Туркия, АМА, Британияи Кабир, ИМА ва Чин ширкат карданд.

Директори Ширкати “TM-International” Саидҷон Абдуллоев зимни ифтитоҳи намоишгоҳ иброз дошт, ки аз соли 2009 ҳар сол 2 маротиба чунин намоишгоҳ дар шаҳрҳои Душанбе, Қӯрғонтеппа ва Хуҷанд баргузор мегардад.

– Соли равон мо бо чанд донишгоҳи хориҷӣ, ба монанди донишгоҳҳои Утара ва Тенагаи Малайзия, донишгоҳҳои Сабанчӣ ва Айдини Туркия, донишгоҳи илмҳои электронӣ ва технологии Чин қарордод ба имзо расонидем, - гуфт С. Абдуллоев.

Муовини якуми вазири маориф ва илми ҷумҳурӣ Раҳматулло Мирбобоев иброз дошт, ки имрӯз ҷавонони тоҷик дар донишгоҳҳои 35 мамлакат таҳсил мекунанд. Баргузории чунин намоишгоҳҳо дари ҳамкориҳоро бо донишгоҳҳои нав боз мекунад.

Чорабинӣ бо мақсади рушди робитаҳо дар самти омода намудани мутахассисони илмҳои дақиқ ва технологияи нав, фароҳам овардани фазои мусоид барои мубодилаи иттилоот миёни донишгоҳҳо, муаррифии имкониятҳои туристии кишвар ва ҷалби бештари сармоя дар рушди инфрасохтори соҳаи сайёҳӣ ташкил карда шудааст.

Чунин намоишгоҳ 21-уми апрел дар Кохи “Ватан”-и шаҳри Қӯрғонтеппа ва 23-юми апрел дар Кохи “Матбуот”-и шаҳри Хуҷанд баргузор хоҳад шуд.

Алишери САЙФИДДИН

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.