СИЁСАТ
Душанбе 25 Июн 2018 05:03
653
Тавре иттилоъ доред, санаи 22 майи соли равонро вакилони Маҷлиси намояндагони кишвар санаи баргузории раъйпурсӣ барои ворид кардани тағйиру иловаҳо ба Конститутсияи мамлакат эълон карданд. Азбаски ҷавонон дар Тоҷикистон беш аз 70 фисадро ташкил медиҳад, иштироки фаъоли онҳо дар ин маъракаи муҳими сиёсӣ нақши асосӣ дорад. То санаи баргузории ин маърака моҳҳои башумор боқӣ мондааст.

Бинобар ин, аз ҷавонони кишвар пурсидем: Тағйиру иловаҳо ба Конститутсияро чӣ гуна дарёфтед?

Асомиддин Ғиёсзода:
-Тағйироти аз ҳама муҳим, ба назари ман дар масъалаи забони давлатӣ мебошад. Меъёру имлои забони давлатиамон дар тули давраи истиқлолият борҳо такмилу тадвин шуд, вале дар Конститутсия инъикоси худро наёфта буд. Аз ин рӯ, бо дарназардошти рушди забони давлатӣ, баинобатгирии қоидаҳои нави имлои забони тоҷикӣ, зарурат пеш омадааст, ки матни Конститутсияи Ҷумҳурии Тоҷикистон, истилоҳҳо ва ибораву калимаҳои он мукаммал гардонида шуда, вожаву таркибот тибқи меъёрҳои он дақиқ навишта шаванд. Ин албатта ифодакунандаи як марҳилаи муҳими рушди забони тоҷикӣ маҳсуб мешавад.

Саид Ризо:
-Ба назари ман он тағйиру иловаҳое, ки барои ворид кардан ба Конститутсияи кишвар пешниҳод шудааст, ягонтоаш бесабабу беаҳамият нест.   

Тағйироти аз ҳама муҳим барои мо – ҷавонон ин аз синни 35 ба 30–солагӣ поён фаровардани синусоли номзадӣ ба Президенти Ҷумҳурии Тоҷикистон, узви Маҷлиси миллӣ, вакили Маҷлиси намояндагон, судяҳои Суди конститутсионӣ, Суди Олӣ, Суди Олии иқтисодӣ, судҳои вилоятҳо, шаҳри Душанбе мебошад. Имрӯз беш аз 70 фисади аҳолии кишварро ҷавонон ташкил медиҳанд. Яъне, тасмими ворид кардани ин тағйирот бесабаб нест.

Барои эътирофи ҷавонон ҳамчун нерӯи пешбарандаи ҷомеа иродаи на ҳар нафар имкон медиҳад. Аммо Пешвои мо муҳтарам Эмомалӣ Раҳмон натанҳо ҷавоноро ҳамчун нерӯи муқтадир эътироф менамоянд, балки бо онҳо ифтихор дошта, дар такя ба ҷавонон ҳадафҳои бузурги давлатдории миллиамонро амалӣ кардаистодаанд. Имрӯз тамоми шароитҳо бо шарофати Пешвоямон барои мо – ҷавонон фароҳам аст, дигар дар ягон самт маҳдудият нест.

Пас аз қабули ин тағйирот минбаъд ҳар ҷавони фаъолу донишманди кишвар метавонад номзадии худро ба президентӣ, вакили парлумон пешноҳод кунад, узви Маҷлиси миллӣ бошад ва ё ба дигар мансабҳои баланди давлатӣ интихоб шавад. Дигар барои мо – ҷавонон ягон маҳдудият намемонад. Танҳо аз мо талаб карда мешавад, ки ҳамеша ҳушёр бошем, дониш андӯзем, шарафу номуси шахсӣ, миллӣ ва давлатиамонро ҳифзу эҳтиром намоем, нисбат ба ояндаи он бетараф набошем.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.