Имрӯз таҳти раёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати татбиқи амалии нақшаи чорабиниҳое, ки аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон бармеояд машварати корӣ доир гардид.

Дар ин бора аз дафтари матбуоти Презденти кишвар иттилоъ доданд.

Бино ба иттилои манбаъ, мавзӯи асосии ин машварати корӣ таъмини волоияти қонун дар ҷомеа буд. Дар ин баробар чанд мавзӯи дигар ҳам мавриди таваҷҷуҳ қарор гирифта, таҳлилу баррасӣ шудаанд.

Дар ин машварати корӣ ба иттилои president.tj роҳбарияти Дастгоҳи иҷроияи Президент, муовини Сарвазир, ёрдамчиёни Президент, Прокурори генералӣ, роҳбарони як қатор вазорату идораҳо, Академияи миллии илмҳо, Маркази тадқиқоти стратегӣ, Маркази исломшиносӣ ва дигар мақомоти марказии давлатӣ иштирок кардаанд.