СИЁСАТ
Якшанбе 08 Сентябр 2024 04:59
![7775](/upload/iblock/bb6/Untitled-1.jpg)
Имрӯз бо ибтикори Раёсати кор бо ҷавонон ва варзиши шаҳри Душанбе дар Маҷмааи варзишии Кумитаи андози назди Ҳукумати Ҷумҳурии Тоҷикистон Фестивали бозиҳои миллии варзишӣ бо иштироки варзишгарону дӯстдорони варзиш доир гардид.
Дар маросими баргузории фестивал муовини раиси шаҳри Душанбе Мавсума Муинӣ, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, сардори Раёсати кор бо ҷавонон ва варзиши шаҳри Душанбе Шоҳзод Раҳимзода ва дигар масъулини соҳаи кор бо ҷавонон ва варзиши пойтахт иштирок намуданд.
![Untitled-122.jpg Untitled-122.jpg](/upload/medialibrary/913/Untitled-122.jpg)
Абдулло Раҳмонзода зимни баромади худ қайд намуданд, ки маҳз бо ташаббус ва дастгириҳои бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои раиси шаҳри Душанбе муҳтарам Рустами Эмомалӣ соҳаи варзиш дар кишвар рушд карда, ҷиҳати фароҳам овардани шароити мусоид ҳамасола тадбирҳои судманд андешида мешавад. Баргузор гаштани ин фестивал низ аз силсилаи ҳамин дастгириҳост.
Дар Фестивали бозиҳои миллии варзишӣ наврасону ҷавонони аз 14 то 30 сола аз рӯи 2 намуди бозиҳо: намудҳои сабқат, рақобати даставӣ ва намудҳои бозиҳои намоишӣ иштирок карданд.
Дар кушодашавии фестивал ба таври намоишӣ мусобиқаҳои гӯштингирӣ, чавгонбозӣ, шиноварӣ, вазнбардорӣ (сангбардорӣ), дастхобонӣ, бандкашӣ ва бозиҳои намоишии хурӯсҷанг, чиликдангал, ланкабозӣ, буҷулбозӣ, кaмoнварӣ, шамшерзанӣ, камонғулак, фалаxмонпартоӣ, хойталак ва бандпарак ба маърази тамошои мардум гузошта шуд.
Чуноне ки иттилоъ дода шуд, Фестивали бозиҳои миллии варзишӣ бахшида ба солҳои 2019 - 2021"Солҳои рушди деҳот, сайёҳӣ ва ҳунарҳои мардумӣ” таҷлили сазовори Ҷашни 30 - солагии Истиқлолияти давлатии Ҷумҳурии Тоҷикистон роҳандозӣ шуда, мақсади асосии он эҳё ва рушди бозиҳои миллии варзишӣ, тарбияи насли наврас дар рӯҳияи эҳтиром ва арҷгузорӣ ба таърих, фарҳанг таҳкими тарзи ҳаёти солим, ҳисси худшиносиву худогоҳӣ, зиракии сиёсӣ ва пешгирии омилҳои номатлуб дар байни насли наврас ва ҷавонон мебошад.
Қиёмиддин МАҲМАДҶОНОВ
“ҶТ”
Дар маросими баргузории фестивал муовини раиси шаҳри Душанбе Мавсума Муинӣ, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, сардори Раёсати кор бо ҷавонон ва варзиши шаҳри Душанбе Шоҳзод Раҳимзода ва дигар масъулини соҳаи кор бо ҷавонон ва варзиши пойтахт иштирок намуданд.
![Untitled-122.jpg Untitled-122.jpg](/upload/medialibrary/913/Untitled-122.jpg)
Абдулло Раҳмонзода зимни баромади худ қайд намуданд, ки маҳз бо ташаббус ва дастгириҳои бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои раиси шаҳри Душанбе муҳтарам Рустами Эмомалӣ соҳаи варзиш дар кишвар рушд карда, ҷиҳати фароҳам овардани шароити мусоид ҳамасола тадбирҳои судманд андешида мешавад. Баргузор гаштани ин фестивал низ аз силсилаи ҳамин дастгириҳост.
Дар Фестивали бозиҳои миллии варзишӣ наврасону ҷавонони аз 14 то 30 сола аз рӯи 2 намуди бозиҳо: намудҳои сабқат, рақобати даставӣ ва намудҳои бозиҳои намоишӣ иштирок карданд.
Дар кушодашавии фестивал ба таври намоишӣ мусобиқаҳои гӯштингирӣ, чавгонбозӣ, шиноварӣ, вазнбардорӣ (сангбардорӣ), дастхобонӣ, бандкашӣ ва бозиҳои намоишии хурӯсҷанг, чиликдангал, ланкабозӣ, буҷулбозӣ, кaмoнварӣ, шамшерзанӣ, камонғулак, фалаxмонпартоӣ, хойталак ва бандпарак ба маърази тамошои мардум гузошта шуд.
Чуноне ки иттилоъ дода шуд, Фестивали бозиҳои миллии варзишӣ бахшида ба солҳои 2019 - 2021"Солҳои рушди деҳот, сайёҳӣ ва ҳунарҳои мардумӣ” таҷлили сазовори Ҷашни 30 - солагии Истиқлолияти давлатии Ҷумҳурии Тоҷикистон роҳандозӣ шуда, мақсади асосии он эҳё ва рушди бозиҳои миллии варзишӣ, тарбияи насли наврас дар рӯҳияи эҳтиром ва арҷгузорӣ ба таърих, фарҳанг таҳкими тарзи ҳаёти солим, ҳисси худшиносиву худогоҳӣ, зиракии сиёсӣ ва пешгирии омилҳои номатлуб дар байни насли наврас ва ҷавонон мебошад.
Қиёмиддин МАҲМАДҶОНОВ
“ҶТ”
Эзоҳи худро нависед