СИЁСАТ
Душанбе 17 Июн 2024 12:02
10142
4 апрел Пешвои миллии халқи туркман, раиси Халқ маслаҳатии Туркманистон Гурбонгулӣ Бердимуҳамедов ба Ҷумҳурии Тоҷикистон ташриф меорад.

Дар ин бора шабакаи телеграмии Рустами Эмомалӣ хабар додааст.

Ба иттилои манбаъ Пешвои миллии халқи туркман зимни сафари кориаш ба шаҳри Душанбе дар чорабиниҳои фарҳангӣ иштирок мекунад.

Дар рӯзҳои сафари Гурбонгулӣ Бердимуҳамедов ҳайати бузурги ҳунармандони Туркманистон ҷиҳати гузаронидани барномаҳзои фарҳангии халқи худ ба Тоҷикистон хоҳанд омад.

Тавре Вазорати фарҳанги кишвар иттилоъ додааст, 3 апрел, соати 16:00 дар Театри опера ва балети ба номи Садриддини Айнӣ консерти устодони санъати Туркманистон баргузор мешавад.

Инчунин 4 апрел, соати 10:00 мусаввара ва намунаи ҳунарҳои мардумии Туркманистон дар Осорхонаи миллӣ намоиш дода мешавад.

Ҳамзамон дар ин рӯз барномаи муштараки консертии устодони санъати кишварҳо дар “Кохи Борбад” доир мегардад. Рӯзи 5 апрел ҳайати Туркманистон барои намоиш ба шаҳру ноҳияҳои ҷумҳурӣ сафар мекунанд.

Дар баробари ин дар доираи сафари Бердимуҳаммадов мулоқоти сатҳи олӣ ва баррасии муносибот дар бахшҳои мухталиф дар назар аст.

Эзоҳи худро нависед



Рамзҳо дар расм