СИЁСАТ
Ҷумъа 07 Август 2020 06:38
6675
(Ҳамовозӣ ба ташаббуси наҷиби омӯзгорони Вилояти Мухтори Кӯҳистони Бадахшон)

Ҳангоме, ки тариқи васоити ахбори омма пешниҳоди аҳли илму маърифати Вилояти Мухтори Кӯҳистони Бадахшонро дар мавриди қабл аз оғози машғулиятҳои таълимӣ ба таври зинда сароидани Суруди миллии Ҷумҳурии Тоҷикистон дарёфтам вуҷудамро бори дигар эҳсоси гарми ватандӯстиву муҳаббат ба рамзҳои давлатӣ фаро гирифт.

Дар ҳақиқат лаҳзаи садо додани Суруди миллӣ инсон болидахотир ва сарфароз мегардад. Агар мушоҳида намоем дар ҷомеа сурудҳо зиёданд ва ҳар кадоме байни мардум ҳаводорони худро доранд. Хушбахтона Суруди миллӣ ягона суруд ва ҳидоятномаест, ки мардумро ба иттиҳоду сарҷамъӣ, сулҳдӯстиву ҳамзистӣ даъват ва раҳнамоӣ мекунад. Албатта ҳар як фард аз домони поки модар ва дар оғӯши гуҳарбори меҳан ба дунё омада, Ватанро бо баҳои ҷони худ дӯст медорад. Аз ин нуқтаи назар дӯст доштани Ватан аз дӯст доштан ва эҳтирому арҷгузорӣ ба арзишҳои миллӣ, муқаддасот ва рамзҳои давлатӣ сарчашма мегирад.

Вақте Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба кишварҳои хориҷ сафар мекунанд ба ифтихорашон Суруди миллии Ҷумҳурии Тоҷикистон садо медиҳад. Вақте варзишгаре дар мусобиқае ғолибият ба даст меоварад ба ифтихораш Суруди миллии Ҷумҳурии Тоҷикистон садо медиҳад. Вақте иҷлосияи Маҷлиси намояндагон, Маҷлиси вакилони халқ ва ё ҷаласаи расмие баргузор мегардад ва дар он Суруди миллии Ҷумҳурии Тоҷикистон садо медиҳад чӣ гуна моҳият ва шаҳомати он гарон мегардад.

Матлаби қабл аз оғози машғулиятҳои таълимӣ дар муассисаҳои таҳсилоти миёна ва олӣ садо додани Суруди миллӣ низ дар он аст, ки хонандагону донишҷӯён ҳамчун насли имрӯз ва ояндасоз бо таманниёти сарбаландиву ҷовидонии Тоҷикистони азизу муқаддас Суруди миллиро бо ғуруру муҳаббати саршори ватандӯстӣ қироат намуда, бо итминон изҳор медоранд, ки бахту саодат, ному нанг, бақову мароми ҷисму ҷон, ҳастиву ҷовидонии Тоҷикистони озоду соҳибистиқлол аст.

Мо, ҷавонони вилояти Суғд ташаббуси омӯзгорони Вилояти Мухтори Кӯҳистони Бадахшонро ҳамаҷониба дастгирӣ намуда, ҳамовозии хешро дар амалӣ гардидани ин ташаббуси неку наҷиб, ки ба эҳтирому арҷгузорӣ ба рамзҳои давлатӣ ва баланд бардоштани эҳсоси гарми ватандӯстӣ ва ифтихори ватандории насли шоистаи замон равона шудааст баён медорем.

Мамнур Нурзода,
мудири шуъбаи рушди иҷтимоӣ ва робита бо ҷомеаи дастгоҳи
раиси шаҳри Бӯстон

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.