Имрӯз Шавкат Мирзиёев Президенти Ҷумҳурии Узбекистон барои иштирок дар Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал (ФБНА) ба Ҷумҳурии Тоҷикистон омад.

Дар ин бора АМИТ “Ховар” хабар медиҳад.

Бино ба хабар, дар Фурудгоҳи байналмилалии Душанбе Шавкат Мирзиёев Президенти Ҷумҳурии Узбекистонро Сарвазири Ҷумҳурии Тоҷикистон Қоҳир Расулзода пешвоз гирифтанд.

Тибқи нақша мулоқоту музокироти сатҳи олӣ миёни Тоҷикистон ва Узбекистон доир шуда, масъалаҳои васеи ҳамкории ду кишвар мавриди баррасӣ қарор мегиранд.