СИЁСАТ
Ҷумъа 10 Июл 2020 02:40
2765
Бо ибтикори Маркази тадқиқоти стратегии назди Президенти Ҷумҳурии Тоҷикистон дар ҳамкорӣ бо Институти таърих, бостоншиносӣ ва мардумшиносии ба номи А. Дониши Академияи илмҳои Ҷумҳурии Тоҷикистон ва ҳаракати ҷамъиятии “Друзья России” дар арафаи ҷашни 72-юмин солгарди Ғалаба дар Ҷанги дуюми ҷаҳонӣ Конфронс баргузор гардид.

Дар баргузории он собиқадорони Ҷанги дуюми ҷаҳон, намояндагони корпусҳои дипломатии кишварҳои Иттиҳоди Давлатҳои Мустақил дар Ҷумҳурии Тоҷикистон, таърихшиносон, олимон ва намояндагони бархе аз сохторҳои қудратии кишвар ширкат намуданд.

Ба гуфтаи Худобердӣ Холиқназар, директори Маркази тадқиқоти стратегии назди Президенти кишвар саҳми тоҷикистониён дар пирӯзӣ бар фашизм хеле бузург аст: “Дар солҳои Ҷанги дуюми ҷаҳонӣ мардуми тоҷик таҳти шиори “Ҳама ба фронт, ҳама барои ғалаба” кору зиндагӣ намуда, дар таъмини ғалабаи бузург бар фашизм саҳми беназир гузоштаанд. Дар Ҷанги дуюми ҷаҳонӣ 300 ҳазор нафар намояндагони Тоҷикистон ширкат намуданд. Аз 300 ҳазор нафар намояндагони Тоҷикистон, ки дар Ҷанги дуюми ҷаҳон иштирок намуданд, 92 ҳазор нафар аз ҷанг барнагаштанд. Тоҷикистониён дар муборизаҳои Ҷанги дуюми ҷаҳон дар радифи халқу миллатҳои гуногуни собиқ Иттиҳоди Шӯравӣ қаҳрамониҳои бемислу монанд нишон дода, беш аз 56 ҳазор ҳамватанони мо ба гирифтани ордену медалҳо, 54 нафар ба унвони олии Қаҳрамони Иттиҳоди Шӯравӣ, 15 нафар бо се дараҷаи ордени “Шараф” сарфароз гардиданд. Ҷанги дуюми ҷаҳон дар саҳифаи таърихи башарият ҳамчун ҷанги пурдаҳшат сабт гардидааст, зеро ҷуғрофияи набардҳояш бузург ва фоҷеабортарин буда, дар он 110 миллион нафар сарбозону афсарон аз кишварҳои гуногун ба майдони набардҳо сафарбар гардида буданд. Дар ин ҷанг дар паи ба харобазор табдил додани садҳо деҳаю шаҳрҳо, инчунин 50 миллион нафар қурбон гардиданд, ки дар таърихи башарӣ талафоти бузургтарин аст,”- зикр кард Худобердӣ Холиқназар, директори Маркази тадқиқоти стратегӣ.

Инчунин дар рафти конфронс доир ба сабабу оқибатҳои Ҷанги дуюми ҷаҳон, вазъияти ҳарбию сиёсии ҷаҳон дар солҳои ин ҷанг, мардонагию қаҳрамонии фарзандони халқи тоҷик дар таъмини ғалаба бар зидди фашизм изҳори назар намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.