Дар асоси нақшаи фаъолияти Кумитаи иҷроияи Ҳаракати ваҳдати миллӣ ва эҳёи Тоҷикистон дар яке аз қисмҳои ҳарбии ноҳияи Лахш мулоқот доир гардид, ки зимни он Зулфиқор Гулаҳмадзода, раиси Кумитаи кор бо ҷавонон ва варзиши кишвар, Рудобаи Мукаррам, раиси Кумитаи иҷроияи Ҳаракати ваҳдати миллӣ ва эҳёи Тоҷикистон ва Холзода Каромиддин, раиси ноҳияи Лахш иштирок ва суханронӣ намуданд.

Дар ин бора аз маркази таҳлил ва иттилооти Кумитаи кор бо ҷавонон ва варзиш хабар доданд.

Ба иттилои манбаъ зимни суҳбат бо сарбозону афсарон гуфта шуд, ки бояд ҷавонони шуҷои Ватан бо азми дил баҳри пойдории сулҳу оромӣ, истиқлолу озодӣ равонаи хизмати Модар - Ватан бошанд. Зеро Қувваҳои Мусаллаҳи Ҷумҳурии Тоҷикистон дастоварди муҳими замони соҳибистиқлолии кишвар ба шумор рафта, омили асосии нигаҳдории давлатдории миллӣ маҳсуб меёбад. Ин гувоҳӣ аз азму иродаи қавии шумо ҷавонони бонангу ор ва ватандӯст мебошад, ки баҳри ҳифзи Ватан аз ҳар гӯшаву канори кишвар дар мактаби ҷасорат гирд омада, ҷиҳати нигаҳдории амнияту суботи ин сарзамини биҳиштосо дар чунин шароиту имконоти хуби хизмат ифои хидмати Ватан – Модар карда истодаед.

Дар фарҷоми чорабинӣ ба чанде аз афсарону сарбозон барои хизматҳои шоён ва садоқат ба Ватан сипоснома ва туҳфаҳои хотиравӣ эҳдо гардид.