Имрӯз дар шаҳри Душанбе бо ибтикори Раёсати кор бо ҷавонон ва варзиши Мақомоти иҷроияи ҳокимияти давлатии шаҳри Душанбе дар ҳамкорӣ бо Шӯрои собиқадорони ҷангу меҳнати пойтахт, ҳамоиши илмӣ-маърифатӣ таҳти унвони “Сулҳ - арзиши олӣ ва асоси рушди тамаддуни инсон” бахшида ба эълон гардидани Даҳсолаи таҳкими сулҳ ба хотири наслҳои оянда ва 35-солагии Истиқлоли давлатии Ҷумҳурии Тоҷикистон доир гардид.

Дар ин хусус телеграмканали шаҳрдорӣ хабар медиҳад.

Ба иттилои манбаъ, дар ин чорабинӣ Одилзода Дилбар, муовини раиси шаҳри Душанбе, собиқадорони меҳнат ва ҷавонони фаъоли касбу кори гуногун иштирок намуданд.

Зимни ҳамоиш баромадкунандагон доир ба аҳаммияти сулҳу ваҳдат, ҳифзи арзишҳои миллӣ ва нақши ҷавонон дар таҳкими сулҳу субот андешаронӣ намуда, қабули ин даҳсоларо амалӣ саривақтӣ барои ҷомеаи ҷаҳонӣ арзёбӣ карданд.

Гулафшон КАРИМОВА, “ҶТ”