Раёсати Вазорати корҳои дохилӣ дар шаҳри Душанбе аз муваққатан қатъ гардидани ҳаракати воситаҳои нақлиёт дар баъзе кӯчаву хиёбонҳои шаҳр иттилоъ медиҳад.

Бино баиттилои манбаъ, аз пагоҳ 22 ва 23 август аз соати 09:00 то соати 14:00, ҳаракати воситаҳои нақлиёт тавассути кӯчаҳои Мастонгулов (Фурудгоҳ), А.Дониш, С.Айнӣ (Садбарг), хиёбони Рӯдакӣ ва Сомонӣ муваққатан маҳдуд карда мешавад.

Инчунин, санаи 23.08.2024 низ аз соати 11:30 то соати 14:00 ҳаракати воситаҳои нақлиёт тавассути хиёбони Рӯдакӣ, Сомонӣ, кӯчаҳои Сино, С.Айнӣ (Садбарг) А.Дониш ва Мастонгулов (Фурудгоҳ) муваққатан маҳдуд мегардад.

Бинобар ин, раёсати ВКД-и шаҳри Душанбе аз шаҳрвандон ва ронандагони воситаҳои нақлиёт хоҳиш менамояд, ки аз роҳҳои мошингарди кӯчаҳои ҳамшафат истифода намуда, аз таваққуфи нодоруст дар кӯчаҳои мазкур низ худдорӣ намоянд.