СИЁСАТ
Шанбе 20 Апрел 2024 05:39
9944
Дар Тоҷикистон масъалаи қонуншиканӣ дар самти истифодаи мақсадноки замин ҳамоно нигаронкунанда боқӣ мемонад.

Дар ин масъала имрӯ 8 феврал Ориф Хоҷазода, раиси Кумитаи давлатии идораи замин ва геодезии Ҷумҳурии Тоҷикистон зимни нишасти хабарӣ изҳори назар кард.

Ӯ гуфт танҳо дар соли 2023 Кумитаи давлатии идораи замин ва геодезӣ 13 ҳазору 447 ҳолати вайронкунии қонунгузории заминро ошкор кардааст, ки нисбат ба соли гузашта 824 ҳолат зиëд аст.

Ба қавли Ориф Хоҷазода бо вуҷуди оне, ки 75 фоиз ё 10 ҳазору 80 ҳолати ин қонуншиканиҳо бартараф шудаанд, аммо ин маънои онеро надорад, ки масъала куллан ҳалли худро ёфтааст.

- Дар маҷмуъ аз ҳисоби ҷаримаҳо 5 млн. 328 ҳазору 764 сомонӣ ба суратҳисоби махсуси Кумитаи давлатии идораи замин ва геодезӣ ворид шудааст, ки ин 76 фоизи онҳоро ташкил медиҳад. Маблағи умумии ҷаримаҳои татбиқшуда дар соли гузашта 6 млн. 612 ҳазору 521 сомониро ташкил медиҳад,-гуфт раиси Кумита.

Ёдовар мешавем, ки масъалаи истифодаи мақсадноки замин ва қонуншиканӣ дар ин самт аз масоили доғ аст. Дар солҳои охир чандин нафар мансаборон барои қонушиканӣ дар ин самт ё фурӯшу муомилоти замин дастгир ва ҳабс шуда буданд. Дар чандин ҷаласаҳои Ҳукумат низ Роҳбари давлат ба ин масъала масхсусан таваҷҷуҳ карда буданд.

Гулафшон КАРИМОВА, "ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.