СИЁСАТ
Душанбе 14 Октябр 2019 05:44
803
14-уми апрел ҷаласаи раёсати Иттифоқи ҷавонони Тоҷикистон доир шуд, ки дар он масъалаи муайян кардани мавқеи Иттифоқи ҷавонони Тоҷикистон оид ба раъйпурсӣ ҷиҳати ворид намудани тағйиру иловаҳо ба Конститутсияи Ҷумҳурии Тоҷикистон мавриди баррасӣ қарор гирифт.

Роҳбарият ва аъзои Иттифоқи ҷавонони Тоҷикистон муҳтавои тағйиру иловаҳо ба Конститутсияро ба таври амиқ мавриди таҳлил қарор дода, аз нигоҳи касбӣ, махсусан дар самти таъсирбахш ба ҳаёти ҷавонон амалӣ гардидани онро муҳим арзёбӣ намуданд.
Дар ин радиф Иттифоқи ҷавонони Тоҷикистон ҳамчун ташкилоти бонуфузи љамъиятӣ дар соҳаи ҷавонон қарор қабул кард, ки тамоми имкониятҳоро баҳри таблиғу ташвиқи тағйиру иловаҳо ба Конститутсия равона намуда рӯзи 22 май дар раъйпурсӣ иштирок менамояд ва ба ҷонибдории тағйиру иловаҳои Конститутсия овоз медиҳад.

Аз ин рӯ, баҳри дар саросари кишвар анҷом додани маҷмуи чорабиниҳои тарғиботӣ гурӯҳҳои кории Иттифоқи ҷавонони Тоҷикистон таъсис дода шуда, шаклҳои маводи иттилоотӣ тасдиқ гардиданд.

Ҳамзамон, қарор шуд, ки намояндагони Иттифоқи ҷавонони Тоҷикистон бо тартиби пешбининамудаи қонунгузорӣ ба ҳавзаҳо ва участкаҳои раъйпурсӣ пешниҳод карда шаванд.

Дар баробар ин, зимни баргузории ҷаласа масъалаҳои такмил додани фаъолияти намояндагиҳо ва бахшҳои Иттифоқи ҷавонони Тоҷикистон дар муассисаҳои таҳсилоти миёна ва олии касбӣ, ворид намудани тағйиру иловаҳо ба Оинномаи Иттифоқи ҷавонони Тоҷикистон, даъвати Анҷумани навбатии иттифоқ ва дигар масъалаҳо баррасӣ шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.