СИЁСАТ
Ҷумъа 29 Март 2024 03:42
ё рози дил ба Пешвои тоҷикони ҷаҳон
Зимни сафари корӣ ба Вилояти Мухтори Кӯҳистони Бадахшон, ҳангоме ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебоист вориди ноҳияи Дарвоз шавад, воқеаи аҷибе рӯх дод. Аз он тарафи рӯди Панҷ як гурӯҳ тоҷикони минтақаи Дарвози Ҷумҳурии Исломии Афғонистон назди соҳил омаданд. Эшон баландгӯяк дар даст ташрифи Пешвои миллатро ба минтақа хайрамақдам гуфтанд.
Рафтори ҳамзабонони он тарафи рӯд Пешвои миллат ва ҳамроҳонашро водор намуд аз сафар бозистода, ба ҳарфҳои эшон гӯш диҳанд. Онҳо бо як самимият ва меҳри беандоза нисбати шахсияти Пешвои миллат сухан гуфтанд. “Роҳбари тоҷикони олам” номаш бурданд ва бо ӯ рози дил намуданд. Рози дил аз норасоии барқ, об ва алоқа ва дигар масоил. Ҳамин тавр, лаби рӯд як суҳбати басо самимӣ ҷараён гирифт.
Тайи чанд соли охир бунёду таҷдиди роҳҳои нав, пулу нақбҳо ва раҳо ёфтан аз бунбасти коммуникатсионӣ, ҳамчунин барҳам хӯрдани маҳдудияти норасоии барқ ба айёми сардиҳои сол, ташаббусҳои гуногун дар сатҳи ҷаҳонӣ, ин ҳама ба нуфуз ва шуҳрат ёфтани роҳбарияти олии кишвар, яъне Пешвои миллат муҳтарам Эмомалӣ Раҳмон мусоидат намуд. Зеро пешравиҳо дар соҳоти гуногун аз назари худию бегона канор намонд. Аз ҷумла, аз мардуми афғон ҳам.
Бунёди роҳи мошингард ва рафтуомади тамоми фасли сол ба минтақаи Бадахшони Тоҷикистон маҳз пеши чашми онҳо сурат гирифт. Онҳо бо чашми сар диданд ва бовар намуданд, ки роҳбарияти кишвари тоҷикон дар фикри ободии ватани худ, беҳдошти рӯзгори мардуми он мебошанд. Маҳз дидани чунин бунёдкориҳо эшонро водор намуд, лаби рӯд омада, Пешвои миллати тоҷикон ва тоҷикони тамоми ҷаҳонро хайрамақдам гӯянду аз боби ҳалли масоили ҷойдошта ёрӣ пурсанд. Дар масири таърих чунин ҳолат хеле камназир аст.
Дар рафти суҳбати самимӣ Пешвои миллат муҳтарам Эмомалӣ Раҳмон аз пешвозгирии самимонаи шаҳрвандони кишвари ҳамсоя изҳори сипос намуданд. Зикр намуданд, ки сатҳи ҳамкориҳо бо кишвари дӯсту ҳамҷавор ва ҳамзабони Афғонистон ривоҷ ёфта, мушкилоти ҷойдошта барои тоҷикони он тарафи рӯд дар доираи ҳамкориҳои судманд ҳалли худро дарёфт хоҳанд кард. “Ҳамаи корҳое, ки мо дар ин мантақа ба анҷом мерасонем, оянда барои шумо ва нафъи шумо низ ба инобат гирифта шудааст”, - баён доштанд Пешвои миллат муҳтарам Эмомалӣ Раҳмон ва орзу намуданд, ки дар кишвари ҳамсоя ва ҳамзабон ҳарчи зудтар сулҳу салоҳ пойдор шавад ва рафтуомад байни тоҷикон дар минтақа бештар густариш ёфта, риштаҳои хешутабории гусаста дубора пайванд гардад.
Мавриди зикр аст, ки бо амри тақдир пас аз таъсиси кишвари шӯроҳо робита байни тоҷикони ду тарафи соҳили рӯди Панҷ канда шуд. Ҳоло бо ташаббус ва ҷаҳду талоши роҳбарияти давлати тоҷикон болои рӯди Панҷ чанд пул бино ёфта, тиҷорати наздисоҳилӣ аз ду ҷониб роҳандозӣ мегардад. Ин яке аз воситаҳои хуби дубора васл гаштани риштаҳои гусастаи хешу пайвандӣ хоҳад буд. Дар ин ҷода саҳми Пешвои миллат муҳтарам Эмомалӣ Раҳмон басо арзанда аст. Мардуми афғон ҳамчунин хуб ёд доранд, ки Пешвои миллат бобати дубора сарҷамъ намудани тоҷикон чи қадар заҳматҳо кашидаю талошҳо кардаанд. Пешвозгирии самимона, пур аз меҳру муҳаббат ва бесарҳади тоҷикони соҳили муқобили рӯди Панҷ ҳангоми ташрифи Пешвои миллат муҳтарам Эмомалӣ Раҳмон ба минтақа, маҳз аз ин ҷо сарчашма мегирад.
Зимни сафари корӣ ба Вилояти Мухтори Кӯҳистони Бадахшон, ҳангоме ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебоист вориди ноҳияи Дарвоз шавад, воқеаи аҷибе рӯх дод. Аз он тарафи рӯди Панҷ як гурӯҳ тоҷикони минтақаи Дарвози Ҷумҳурии Исломии Афғонистон назди соҳил омаданд. Эшон баландгӯяк дар даст ташрифи Пешвои миллатро ба минтақа хайрамақдам гуфтанд.
Рафтори ҳамзабонони он тарафи рӯд Пешвои миллат ва ҳамроҳонашро водор намуд аз сафар бозистода, ба ҳарфҳои эшон гӯш диҳанд. Онҳо бо як самимият ва меҳри беандоза нисбати шахсияти Пешвои миллат сухан гуфтанд. “Роҳбари тоҷикони олам” номаш бурданд ва бо ӯ рози дил намуданд. Рози дил аз норасоии барқ, об ва алоқа ва дигар масоил. Ҳамин тавр, лаби рӯд як суҳбати басо самимӣ ҷараён гирифт.
Тайи чанд соли охир бунёду таҷдиди роҳҳои нав, пулу нақбҳо ва раҳо ёфтан аз бунбасти коммуникатсионӣ, ҳамчунин барҳам хӯрдани маҳдудияти норасоии барқ ба айёми сардиҳои сол, ташаббусҳои гуногун дар сатҳи ҷаҳонӣ, ин ҳама ба нуфуз ва шуҳрат ёфтани роҳбарияти олии кишвар, яъне Пешвои миллат муҳтарам Эмомалӣ Раҳмон мусоидат намуд. Зеро пешравиҳо дар соҳоти гуногун аз назари худию бегона канор намонд. Аз ҷумла, аз мардуми афғон ҳам.
Бунёди роҳи мошингард ва рафтуомади тамоми фасли сол ба минтақаи Бадахшони Тоҷикистон маҳз пеши чашми онҳо сурат гирифт. Онҳо бо чашми сар диданд ва бовар намуданд, ки роҳбарияти кишвари тоҷикон дар фикри ободии ватани худ, беҳдошти рӯзгори мардуми он мебошанд. Маҳз дидани чунин бунёдкориҳо эшонро водор намуд, лаби рӯд омада, Пешвои миллати тоҷикон ва тоҷикони тамоми ҷаҳонро хайрамақдам гӯянду аз боби ҳалли масоили ҷойдошта ёрӣ пурсанд. Дар масири таърих чунин ҳолат хеле камназир аст.
Дар рафти суҳбати самимӣ Пешвои миллат муҳтарам Эмомалӣ Раҳмон аз пешвозгирии самимонаи шаҳрвандони кишвари ҳамсоя изҳори сипос намуданд. Зикр намуданд, ки сатҳи ҳамкориҳо бо кишвари дӯсту ҳамҷавор ва ҳамзабони Афғонистон ривоҷ ёфта, мушкилоти ҷойдошта барои тоҷикони он тарафи рӯд дар доираи ҳамкориҳои судманд ҳалли худро дарёфт хоҳанд кард. “Ҳамаи корҳое, ки мо дар ин мантақа ба анҷом мерасонем, оянда барои шумо ва нафъи шумо низ ба инобат гирифта шудааст”, - баён доштанд Пешвои миллат муҳтарам Эмомалӣ Раҳмон ва орзу намуданд, ки дар кишвари ҳамсоя ва ҳамзабон ҳарчи зудтар сулҳу салоҳ пойдор шавад ва рафтуомад байни тоҷикон дар минтақа бештар густариш ёфта, риштаҳои хешутабории гусаста дубора пайванд гардад.
Мавриди зикр аст, ки бо амри тақдир пас аз таъсиси кишвари шӯроҳо робита байни тоҷикони ду тарафи соҳили рӯди Панҷ канда шуд. Ҳоло бо ташаббус ва ҷаҳду талоши роҳбарияти давлати тоҷикон болои рӯди Панҷ чанд пул бино ёфта, тиҷорати наздисоҳилӣ аз ду ҷониб роҳандозӣ мегардад. Ин яке аз воситаҳои хуби дубора васл гаштани риштаҳои гусастаи хешу пайвандӣ хоҳад буд. Дар ин ҷода саҳми Пешвои миллат муҳтарам Эмомалӣ Раҳмон басо арзанда аст. Мардуми афғон ҳамчунин хуб ёд доранд, ки Пешвои миллат бобати дубора сарҷамъ намудани тоҷикон чи қадар заҳматҳо кашидаю талошҳо кардаанд. Пешвозгирии самимона, пур аз меҳру муҳаббат ва бесарҳади тоҷикони соҳили муқобили рӯди Панҷ ҳангоми ташрифи Пешвои миллат муҳтарам Эмомалӣ Раҳмон ба минтақа, маҳз аз ин ҷо сарчашма мегирад.
Эзоҳи худро нависед