СИЁСАТ
Якшанбе 08 Сентябр 2024 04:27
![6667](/upload/iblock/2f2/1.jpg)
Ҳамасола муҳтавои паёмҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар фарогири тамоми паҳлуҳои хоҷагии халқи мамлакат мебошанд. Сарвари давлат бо ироаи паёмҳои хеш ба Маҷлиси Олии мамлакат самтҳои асосии сиёсати дохилию хориҷии кишварро барои давраҳои оянда муайян намуда, ҷиҳати пешбурди манфиатноки сиёсати дохиливу хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзу ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас ба миён мегузоранд.
Дар паёми навбатии Сарвари давлат ба як нуктаи муҳим таваҷҷуҳи хосса зоҳир карда шуд, ки он “Солҳои рушди деҳот, сайёҳӣ ва ҳунарҳои мардумӣ” эълон гардидани солҳои 2019-2021 буд. Ин иқдом метавон гуфт, идомаи мантиқии ҳамон “Соли рушди сайёҳӣ ва ҳунарҳои мардумӣ”, ки дар Паёми соли гузашта эълон гардида буд, мебошад. Ин нукта дар Паёми Сарвари давлат чунин баён шудааст: “Соли рушди сайёҳӣ ва ҳунарҳои мардумӣ эълон гардидани соли 2018 ба дарки аҳаммияти самтҳои мазкур дар ҳаёти иҷтимоиву иқтисодии мардум такони ҷиддӣ бахшида, шумораи сайёҳоне, ки соли 2018 ба Тоҷикистон омаданд, нисбат ба соли 2017 дуюним баробар афзуд, вале барои расидан ба ҳадафҳои пешбинишуда як сол басанда нест.
Дар баробари ин, соли ҷорӣ “Стратегияи рушди сайёҳӣ барои давраи то соли 2030” қабул гардид ва имкониятҳои сайёҳии Тоҷикистон то ҳадди имкон муаррифӣ шуданд, лекин барои рушди инфрасохтори соҳа дар ҳамаи минтақаҳои кишвар бояд тадбирҳои иловагӣ андешида шаванд.
Бо мақсади вусъат бахшидан ба ҳалли масъалаҳои зикршуда ва бо дарназардошти зарурати инкишофи инфрасохтори деҳот пешниҳод менамоям, ки солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” эълон карда шаванд”.
Ба ин масъала диққат додани Президенти кишвар бесабаб набуд, чун соҳаи сайёҳӣ бе рушду инкишоф додани деҳот ва бе фароҳам овардани шароити мусоиди сайру саёҳат дар кишвар имконнопазир мебошад. Ва бешак макони эҳё ва рушду инкишоф додани ҳунарҳои мардумӣ низ маҳз деҳот ва минтақаҳоянд. Ин аст, ки соҳаи сайёҳӣ, рушди деҳот ва ҳунарҳои мардумӣ бо ҳам пайвастагӣ дошта, инкишофи яке бе дигаре душвор аст.
Боиси хушнудист ки тайи чанд соли охир бо дастуру ҳидоятҳои бевоситаи Президенти мамлакат муҳтарам Эмомалӣ Раҳмон ва ташаббуси мақомоти иҷроияи ҳокимияти давлатии шаҳру вилоятҳо ва ноҳияҳо марказҳои шаҳру навоҳӣ ба таври шинохтанашаванда ободу зебо гардида, ҳамарӯза корҳои бунёдкорӣ дар ҳоли рушд аст. Ин албатта самараи ваҳдату якдилии мардум ва пойдории сулҳу суботи саросарии кишварамон мебошад. Аммо ба рушду ободии деҳот ва минтақаҳои алоҳида ба таври зарурӣ диққат дода намешуд ва тавре Пешвои миллат муҳтарам Эмомалӣ Раҳмон таъкид менамоянд: “Ободии деҳот ободии шаҳрҳо ва пеш аз ҳама, пуру ғанӣ гардидани дастархони хонадони ҳар сокини пойтахти кишварамон мебошад”. Мавриди зикр аст, ки маҳз мавзеъҳои дурдасти кишвари офтобии мо, хосса мавзеъҳои куҳистон, макони беҳтарин барои сайру саёҳат буда, ҳамзамон муаррификунандаи ҳунару маҳорати мардуми тоҷик, эҳёгари анъанаҳо ва урфу одатҳои миллӣ маҳсуб меёбанд.
Инак, бо эълон гардидани солҳои 2019-2021 ҳамчун солҳои рушди деҳот, сайёҳӣ ва ҳунарҳои мардумӣ” ба масъалаи ободии маҳалҳо таваҷҷуҳи зиёд зоҳир гардида, ҳамарӯза деҳоти кишвар низ рушд намудаву симои худро дигар карда истодаанд.
Ҳамчунин, аз ҷониби Сарвари мамлакат солҳои рушди деҳот, сайёҳӣ ва ҳунарҳои мардумӣ эълон намудани се соли минбаъдаро метавон идомаи мантиқии омодагиҳо ба ҷашни 30-солагии Истиқлолияти давлатии Ҷумҳурии Тоҷикистон номид. Чун ташаббусу иқдомоте, ки ба истиқболи ин санаи муҳим роҳандозӣ шудаанд, маҳз ба хотири ободу зебо гардонидани ҳама гӯшаву канори мамлакат мебошанд. Бо ин мақсад дар кишвар доир намудани чорабиниҳои сатҳи баланд ва дигар тадбирҳои судманде, ки аз ҷониби роҳбарияти олии мамлакат ташкил ва гузаронида мешаванд, бо мақсади боз ҳам ободу шукуфон гардонидани Тоҷикистони азизамон, ки хонаи умеди ҳама тоҷикони рӯйи олам мебошад, роҳандозӣ мегарданд.
Дар партави дастуру ҳидоятҳои Сарвари давлат, ки аз паёми ӯ ба Маҷлиси Олии мамалакат бармеоянд, пайваста иншоотҳои ҳаётан муҳимми саноативу истеҳсолӣ сохта ва ба истифода дода мешаванд, ки НБО-и “Роғун” аз зумраи онҳост. Ба истифода додани ду агрегати калони ин иншооти муҳими аср бори дигар собит месозад, ки Тоҷикистон дар роҳи рушди бемайлони иқтисодӣ ва дар ин замина некӯаҳволӣ ва беҳтарсозии шароити зисти мардум қадамҳои устувор мегузорад.
Бешак, ҳама ташаббусҳои созанда ва бунёдкоронаи роҳбарияти мамлакат, хосса Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба осудагӣ ва сарсабзии диёри аҷдодӣ ва некӯаҳволии мардуми тоҷик мусоидат менамоянд.
Паёми навбатии Президенти мамлакат чун паёмҳои қаблӣ барномаи мукаммалест, ки дар он рушди бесобиқаи Тоҷикистон баён шудааст. Иҷрои саривақтии талаботҳои ин барнома ҷиҳати беҳбудии сатҳи зиндагӣ, баланд бардоштани маънавиёти аҳолӣ, таъмини амнияту субот дар кишвар ва рушди минбаъдаи он мусоидат менамояд.
Дар паёми навбатии Сарвари давлат ба як нуктаи муҳим таваҷҷуҳи хосса зоҳир карда шуд, ки он “Солҳои рушди деҳот, сайёҳӣ ва ҳунарҳои мардумӣ” эълон гардидани солҳои 2019-2021 буд. Ин иқдом метавон гуфт, идомаи мантиқии ҳамон “Соли рушди сайёҳӣ ва ҳунарҳои мардумӣ”, ки дар Паёми соли гузашта эълон гардида буд, мебошад. Ин нукта дар Паёми Сарвари давлат чунин баён шудааст: “Соли рушди сайёҳӣ ва ҳунарҳои мардумӣ эълон гардидани соли 2018 ба дарки аҳаммияти самтҳои мазкур дар ҳаёти иҷтимоиву иқтисодии мардум такони ҷиддӣ бахшида, шумораи сайёҳоне, ки соли 2018 ба Тоҷикистон омаданд, нисбат ба соли 2017 дуюним баробар афзуд, вале барои расидан ба ҳадафҳои пешбинишуда як сол басанда нест.
Дар баробари ин, соли ҷорӣ “Стратегияи рушди сайёҳӣ барои давраи то соли 2030” қабул гардид ва имкониятҳои сайёҳии Тоҷикистон то ҳадди имкон муаррифӣ шуданд, лекин барои рушди инфрасохтори соҳа дар ҳамаи минтақаҳои кишвар бояд тадбирҳои иловагӣ андешида шаванд.
Бо мақсади вусъат бахшидан ба ҳалли масъалаҳои зикршуда ва бо дарназардошти зарурати инкишофи инфрасохтори деҳот пешниҳод менамоям, ки солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” эълон карда шаванд”.
Ба ин масъала диққат додани Президенти кишвар бесабаб набуд, чун соҳаи сайёҳӣ бе рушду инкишоф додани деҳот ва бе фароҳам овардани шароити мусоиди сайру саёҳат дар кишвар имконнопазир мебошад. Ва бешак макони эҳё ва рушду инкишоф додани ҳунарҳои мардумӣ низ маҳз деҳот ва минтақаҳоянд. Ин аст, ки соҳаи сайёҳӣ, рушди деҳот ва ҳунарҳои мардумӣ бо ҳам пайвастагӣ дошта, инкишофи яке бе дигаре душвор аст.
Боиси хушнудист ки тайи чанд соли охир бо дастуру ҳидоятҳои бевоситаи Президенти мамлакат муҳтарам Эмомалӣ Раҳмон ва ташаббуси мақомоти иҷроияи ҳокимияти давлатии шаҳру вилоятҳо ва ноҳияҳо марказҳои шаҳру навоҳӣ ба таври шинохтанашаванда ободу зебо гардида, ҳамарӯза корҳои бунёдкорӣ дар ҳоли рушд аст. Ин албатта самараи ваҳдату якдилии мардум ва пойдории сулҳу суботи саросарии кишварамон мебошад. Аммо ба рушду ободии деҳот ва минтақаҳои алоҳида ба таври зарурӣ диққат дода намешуд ва тавре Пешвои миллат муҳтарам Эмомалӣ Раҳмон таъкид менамоянд: “Ободии деҳот ободии шаҳрҳо ва пеш аз ҳама, пуру ғанӣ гардидани дастархони хонадони ҳар сокини пойтахти кишварамон мебошад”. Мавриди зикр аст, ки маҳз мавзеъҳои дурдасти кишвари офтобии мо, хосса мавзеъҳои куҳистон, макони беҳтарин барои сайру саёҳат буда, ҳамзамон муаррификунандаи ҳунару маҳорати мардуми тоҷик, эҳёгари анъанаҳо ва урфу одатҳои миллӣ маҳсуб меёбанд.
Инак, бо эълон гардидани солҳои 2019-2021 ҳамчун солҳои рушди деҳот, сайёҳӣ ва ҳунарҳои мардумӣ” ба масъалаи ободии маҳалҳо таваҷҷуҳи зиёд зоҳир гардида, ҳамарӯза деҳоти кишвар низ рушд намудаву симои худро дигар карда истодаанд.
Ҳамчунин, аз ҷониби Сарвари мамлакат солҳои рушди деҳот, сайёҳӣ ва ҳунарҳои мардумӣ эълон намудани се соли минбаъдаро метавон идомаи мантиқии омодагиҳо ба ҷашни 30-солагии Истиқлолияти давлатии Ҷумҳурии Тоҷикистон номид. Чун ташаббусу иқдомоте, ки ба истиқболи ин санаи муҳим роҳандозӣ шудаанд, маҳз ба хотири ободу зебо гардонидани ҳама гӯшаву канори мамлакат мебошанд. Бо ин мақсад дар кишвар доир намудани чорабиниҳои сатҳи баланд ва дигар тадбирҳои судманде, ки аз ҷониби роҳбарияти олии мамлакат ташкил ва гузаронида мешаванд, бо мақсади боз ҳам ободу шукуфон гардонидани Тоҷикистони азизамон, ки хонаи умеди ҳама тоҷикони рӯйи олам мебошад, роҳандозӣ мегарданд.
Дар партави дастуру ҳидоятҳои Сарвари давлат, ки аз паёми ӯ ба Маҷлиси Олии мамалакат бармеоянд, пайваста иншоотҳои ҳаётан муҳимми саноативу истеҳсолӣ сохта ва ба истифода дода мешаванд, ки НБО-и “Роғун” аз зумраи онҳост. Ба истифода додани ду агрегати калони ин иншооти муҳими аср бори дигар собит месозад, ки Тоҷикистон дар роҳи рушди бемайлони иқтисодӣ ва дар ин замина некӯаҳволӣ ва беҳтарсозии шароити зисти мардум қадамҳои устувор мегузорад.
Бешак, ҳама ташаббусҳои созанда ва бунёдкоронаи роҳбарияти мамлакат, хосса Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба осудагӣ ва сарсабзии диёри аҷдодӣ ва некӯаҳволии мардуми тоҷик мусоидат менамоянд.
Паёми навбатии Президенти мамлакат чун паёмҳои қаблӣ барномаи мукаммалест, ки дар он рушди бесобиқаи Тоҷикистон баён шудааст. Иҷрои саривақтии талаботҳои ин барнома ҷиҳати беҳбудии сатҳи зиндагӣ, баланд бардоштани маънавиёти аҳолӣ, таъмини амнияту субот дар кишвар ва рушди минбаъдаи он мусоидат менамояд.
Эзоҳи худро нависед