СИЁСАТ
Душанбе 24 Июн 2024 02:56
10363
Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Қазоқистон муҳтарам Қосим–Жомарт Токаев суҳбати телефонӣ анҷом дода, ҳамтои худро ба муносибати рӯзи мелодашон табрик карданд.

Дар ин бора Хадамоти матбуоти Президенти кишвар хабар дод.

Пешвои миллат ба ҳамтои қазоқаш дар татбиқи ҳадафу нақшаҳои бар нафъи мардуми бародари Қазоқистон муайян кардаашон муваффақиятҳои бузург орзу намуда, ҷараёни инкишофи босуръати муносибатҳои ҳамкории Тоҷикистону Қазоқистонро, ки ба туфайли талошҳои муштарак ба сатҳи шарикии стратегӣ ва ҳампаймонӣ расидаанд, зикр карданд. Ҳамзамон, саҳми муҳими Президенти Қазоқистон дар пешбурди пайвастаи ин раванд таъкид гардид.

Ҳамчунин гуфта мешавад, ки ҷонибҳо атрофи масъалаҳои алоҳидаи рӯзномаи байналмилалӣ ва минтақавӣ мубодилаи афкор анҷом дода, барномаи вохӯриҳои дарпешистодаи дуҷониба ва бисёрҷонибаро дар сатҳи олӣ муҳокима намуданд.

Эзоҳи худро нависед



Рамзҳо дар расм