СИЁСАТ
Якшанбе 08 Сентябр 2024 04:19
![9917](/upload/iblock/769/%D0%9F%D1%80%D0%B5%D0%B7%D0%B8%D0%B4%D0%B5%D0%BD%D1%82.jpg)
Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Жээнбек Кулубаев, вазири корҳои хориҷии Ҷумҳурии Қирғизистон, ки бо сафари расмӣ ба Тоҷикистон омадааст, мулоқот намуданд.
Дар ин бора аз Хадамоти матбуоти Президенти Ҷумҳурии Тоҷикистон иттилоъ додаанд.
Тавре дар хабар омадааст, зимни суҳбат маҷмуи масъалаҳои муносибатҳои Тоҷикистону Қирғизистон ва дурнамои рушди он мавриди баррасӣ қарор гирифтааст.
Сарвари давлати мо аҳамияти рушди фаъолтари муколамаи сиёсӣ ва таҳкими фазои эътимод дар муносибатҳои ду кишварро таъкид карданд.
“Масъалаҳои татбиқи тавофуқоти сарони ду кишвар доир ба пешбурди музокироти дуҷониба оид ба муайян намудани хати сарҳади давлатии Тоҷикистон ва Қирғизистон ва натиҷаҳои вақтҳои охир дар ин самт бадастомада дар маркази таваҷҷуҳ қарор гирифт”,-менависад president.tj.
Лозим ба ёдоварист, ки тайи чор моҳи гузашта Тоҷикистону Қирғизистон навиштаҷоти лоиҳавӣ ва кории тақрибан 196 километри хатти сарҳади давлатиро ба мувофиқа расонида, ба ҳолати имрӯза дар маҷмуъ қариб 90 дарсади гузариши онро ба анҷом расонидаанд.
Гуфта мешавад, ки масъалаҳои истифодаи муштараки захираҳои обии дарёҳои фаромарзӣ, тавсеаи равобити тиҷоративу иқтисодӣ, парлумонӣ ва дар дигар самтҳои ҳамкории байни ду кишвар дар ин мулоқот мавриди баррасӣ қарор гирифтааст.
Дар ин бора аз Хадамоти матбуоти Президенти Ҷумҳурии Тоҷикистон иттилоъ додаанд.
Тавре дар хабар омадааст, зимни суҳбат маҷмуи масъалаҳои муносибатҳои Тоҷикистону Қирғизистон ва дурнамои рушди он мавриди баррасӣ қарор гирифтааст.
Сарвари давлати мо аҳамияти рушди фаъолтари муколамаи сиёсӣ ва таҳкими фазои эътимод дар муносибатҳои ду кишварро таъкид карданд.
“Масъалаҳои татбиқи тавофуқоти сарони ду кишвар доир ба пешбурди музокироти дуҷониба оид ба муайян намудани хати сарҳади давлатии Тоҷикистон ва Қирғизистон ва натиҷаҳои вақтҳои охир дар ин самт бадастомада дар маркази таваҷҷуҳ қарор гирифт”,-менависад president.tj.
Лозим ба ёдоварист, ки тайи чор моҳи гузашта Тоҷикистону Қирғизистон навиштаҷоти лоиҳавӣ ва кории тақрибан 196 километри хатти сарҳади давлатиро ба мувофиқа расонида, ба ҳолати имрӯза дар маҷмуъ қариб 90 дарсади гузариши онро ба анҷом расонидаанд.
Гуфта мешавад, ки масъалаҳои истифодаи муштараки захираҳои обии дарёҳои фаромарзӣ, тавсеаи равобити тиҷоративу иқтисодӣ, парлумонӣ ва дар дигар самтҳои ҳамкории байни ду кишвар дар ин мулоқот мавриди баррасӣ қарор гирифтааст.
Эзоҳи худро нависед