СИЁСАТ
Ҷумъа 19 Апрел 2024 02:54
2061
Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар доираи сафари давлатӣ ба Ҷумҳурии Демократии Сотсиалистии Шри-Ланка ба шаҳри Канди, ки дар қисмати марказии ин давлат ҷойгир мебошад, ташриф овард.

Сарвари давлат нахуст ба ибодатхонаи Дандони Буддо омада, бо намунаи ёдгориҳои таърихии Осорхонаи байналмилалии буддоӣ шинос шуд.



Ибодатхонаи Дандони Буддо дар соҳили кӯл дар наздикии Қасри Шоҳ қомат афрохта, барои намояндагони аҳли буддои сайёра аҳамияти муҳим дорад ва дар ин ҷой муқадассоти Дандони Буддо нигоҳ дошта мешавад. Ибодатхона соли 1988 ба рӯйхати Мероси байналмилалии таърихии ЮНЕСКО дохил шудааст.

Осорхонаи байналмилалии буддоӣ низ як ҷузъи маҷмааи таърихии ибодатхонаи Дандони Буддо буда, дар он намунаи ҳайкалу муҷассамаҳои будҳо ва лоиҳаи ибодатхонаҳои буддоии кишварҳои гуногуни ҷаҳон ба маъраз гузошта шудааст.

Сипас Сарвари давлат, муҳтарам Эмомалӣ Раҳмон ба Боғи подшоҳии ботаникӣ, воқеъ дар шаҳраки Парадения ташриф оварда, бо тарзи парвариш ва нигоҳубини ниҳолу дарахтони маҳаллӣ ва гулу гиёҳҳои шифобахш шинос шуд. Боғи подшоҳии ботаникии Парадения дар масоҳати 60 гектар доман паҳн карда, дар он намунаи зиёда аз 4 ҳазор гулу гиёҳ, растаниҳои шифобахш ва дарахтони нахл парвариш ва нигоҳубин карда мешаванд. Худи шаҳраки Парадения, аз ҷумлаи мавзеъҳои машҳури сайёҳӣ ба ҳисоб рафта, ҳамасола зиёда аз 2 миллион нафар ба тамошои ин шаҳрак меоянд.



Дар анҷоми боздиди худ аз Боғи подшоҳии ботаникӣ Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ҳамчун рамзи эҳтиром ва дӯстии бардавоми мардуми Тоҷикистону Шри-Ланка дар ин боғ як ниҳоли гули ҳамешасабз шинонид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.