Имрӯз Президенти ҷумҳурӣ Эмомалӣ Раҳмон бо сафари корӣ ба ноҳияи Ёвони вилояти Хатлон рафт. Бо иштироки Сарвари давлат муассисаи таҳсилоти миёнаи умумии рақами 16, боғчаи кӯдаконаи "Ситора" дар деҳаи Даҳана ва корхонаи истеҳсоли каҷкартон мавриди истифода қарор гирифта, сохтмони ду корхонаи саноатии дигар - оид ба истеҳсоли рангҳои гуногун ва маводи нигоҳдорандаи гармӣ – пахташиша оғоз гардид.