СИЁСАТ
Чоршанбе 17 Июл 2019 07:19
1597
Имрӯз, 29 сентябр, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар расми ифтитоҳи бинои нави Сарраёсати консулии Вазорати корҳои хориҷии Ҷумҳурии Тоҷикистон иштирок намуд. Роҳбари давлат ифтитоҳи онро боз як қадами муҳиму боварибахш дар пешбурди сиёсати хориҷии Тоҷикистон арзёбӣ кард.

Бино дар маркази шаҳри Душанбе дар масоҳати умумии 6586 метри мураббаъ бунёд шуда, аз 9 ошёна ва 45 утоқи корӣ иборат аст. Харҷи сохтмони бинои нави Сарраёсати консулӣ ва хариди таҷҳизоту технологияи муосиртарини корӣ пурра аз ҳисоби маблағҳои даромадҳои консулӣ анҷом дода шудааст.

Дар ошёнаҳои аз 1 то 9 утоқҳои кории шуъбаҳо, идораҳои раёсат, толори маҷлис бо 110 ҷойи нишаст, китобхона ва синфхонаҳои дарсӣ ҷойгир карда шудааст. Дар таҳхона таваққуфгоҳи зеризаминӣ барои нақлиёт, ошхона бо 50 ҷойи нишаст, анборхона, зеристгоҳи барқӣ ва дигар утоқҳои техникӣ мавҷуд аст. Барои дар ҳама фасли сол муътадил нигоҳ доштани ҳарорати дохили бино он бо тамоми таҷҳизоти техникии муосир таъмин гардидааст.

Тавре иттилоъ дода шуд, Тоҷикистон дар миёни кишварҳои дигари минтақа ва ИДМ дар пешбурди кори консулӣ, низоми раводид ва шиносномаҳои биометрию электронӣ аз ҷумлаи давлатҳои пешсаф буда, бо ин мақсад дар раёсатҳои дахлдори Сарраёсати консулӣ навтарин таҷҳизоти ҷаҳонӣ дастрас карда шудааст. Умуман, тамоми хизматҳои консулӣ дар Тоҷикистон тариқи электронӣ сурат гирифта, дар бинои нави Сарраёсати консулӣ низоми хизматрасониҳои электронӣ, аз ҷумла навбати электронӣ, назорати видеоию электронӣ ба роҳ монда шудааст.

Зимни шиносоӣ бо шароити корӣ Сарвари давлат роҳбарияти Вазорати корҳои хориҷӣ ва дигар масъулони соҳаро барои беҳтар гардонидани сатҳу сифати хизматрасонии консулӣ ва ҷалби мутахассиони ҷавону лаёқатманди забондон ба корҳои дипломатӣ вазифадор карда, таъкид намуд, ки хизмати босифат ва софдилонаи ҳар корманди масъули Вазорати корҳои хориҷиву Сарраёсати консулӣ дар пешбурди сиёсати бобарори хориҷии роҳбарияти давлат ва Ҳукумати ҷумҳурӣ ва баланд бардоштани шуҳрату эътибори давату миллати тоҷик дар асраи байналмилалӣ нақши муҳим мегузорад.

Президенти мамлакат, сипас дар бинои асосии Вазорати корҳои хориҷӣ бахшида ба нахустин таҷлили Рӯзи кормандони хизмати дипломатӣ бо роҳбарият, кормандон ва собиқадорони ин ниҳоди муҳим мулоқоти судманд анҷом дод.



Сарвари давлат иштирокчиёнро бо ҷашни 25-солагии Истиқлолияти давлатии Ҷумҳурии Тоҷикистон, Рӯзи кормандони хизмати дипломатӣ ва ифтитоҳи бинои нави Сарраёсати консулии Вазорати корҳои хориҷӣ табрику шодбош гуфта, ба ҳамаи онҳо дар ҷодаи пешбурди хизмати дипломатӣ барору комёбиҳо таманно намуд.

Тавре таъкид шуд, аз соли ҷорӣ сар карда, 29-уми сентябр дар Тоҷикистон ҳамчун Рӯзи кормандони хизмати дипломатӣ таҷлил мегардад.

29 сентябри соли 1993 дар таърихи муосири сиёсати хориҷии Ҷумҳурии Тоҷикистон санаи воқеан муҳим ба шумор рафта, дар ин рӯзи хотирмон аввалин маротиба аз минбари баланди Созмони Милали Муттаҳид нақшаҳои бунёдкорона, ҳадафҳои сулҳҷӯёна ва азму ниятҳои неки давлати тозаистиқлоли Тоҷикистон ҳамчун субъекти мустақили робитаҳои байналмилалӣ ба тамоми аъзои ҷомеаи ҷаҳонӣ муаррифӣ гардиданд. Сарвари давлат изҳор дошт, ки рӯйдоди 29 сентябри соли 1993 аз лиҳози мазмуну ғоя ва ҷанбаҳои сиёсӣ на фақат барои кормандони дипломатии кишвар, балки барои давлати соҳибистиқлоли Тоҷикистон аҳамияти муҳим ва таърихӣ дорад.



Пас аз суханронии Президенти мамлакат Эмомалӣ Раҳмон аз номи кормандон ва собиқадорони соҳаи дипломатияи тоҷик академик Талбак Назаров ва Абдунабӣ Сатторзода баромад карда, оид ба саҳми бузурги Пешвои миллат, муҳтарам Эмомалӣ Раҳмон дар самти ба арсаи ҷаҳон баровардани сиёсати сулҳпарваронаи Ҳукумати кишвар, дипломатияи тоҷик ва муаррифии давлату миллати тоҷик аз минбарҳои созмонҳои бонуфузи олам андешаронӣ карданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Июл 2019 c.