СИЁСАТ
Якшанбе 08 Сентябр 2024 04:41
![916](/upload/iblock/bbe/%D0%BA%D0%BE%D0%BD%D1%84%D1%80%D0%BE%D0%BD%D1%81%D0%B8-%D0%B2%D0%B0%D0%BE-03.jpg)
Имрӯз дар шаҳри Хоруғи ВМКБ бахшида ба Рӯзи ваҳдати миллӣ таҳти унвони "Нақши воситаҳои ахбори омма дар ба даст овардани ваҳдати миллӣ" конфронси ҷумҳуриявӣ доир гашт.
Дар он раиси ВМКБ Шодихон Ҷамшед, директори Маркази тадқиқоти стратегии назди Президенти ҷумҳурӣ Худойбердӣ Холиқназар, муовини аввали раиси Ҳаракати ваҳдати миллӣ ва эҳёи Тоҷикистон Мирзошоҳрух Асрорӣ, раиси Иттифоқи журналистони Тоҷикистон Зинатулло Исмоилзода ва намояндагон аз расонаҳои хабарии ҷумҳурӣ иштирок доштанд.
![](/upload/конфронси-вао-01.jpg)
Раиси ВМКБ Шодихон Ҷамшед зимни баромадаш нақши рӯзномаи “Ҷавонони Тоҷикистон”-ро дар расидан ба Ваҳдати миллӣ ва таҳкими он беназир хонда, таъкид намуд, ки “ин ҳафтанома имрӯз низ ба хотири бақои ин арзиши олӣ мубориза мебарад”. Раиси вилоят аз нашри матолиб дар самти мубориза ба муқобили терроризму экстремизм дар ҳафтаномаи “Ҷавонони Тоҷикистон” махсус ёдовар шуд.
Зикр гардид, ки сулҳи тоҷикон на танҳо давлату миллатро наҷот дод, балки дар дили насли ҷавон умед ба ояндаи нек, хушбахтӣ, саодат, некномӣ ва ягонагии ногусастаниро зинда намуд ва ин дар расонаҳои хабарии кишвар чун арзиши беҳамто, баромада аз фитрати азалии миллати тоҷик таъкид мегардид.
Худойбердӣ Холиқназар, директори Маркази тадқиқоти стратегии назди Президенти кишвар, дар мавзӯи "Аҳамияти таърихии сулҳи тоҷикон ва бозтоби он дар ВАО-и дохиливу хориҷӣ" маърӯза карда, аз ҷумла изҳор намуд: "Имзои Созишномаи истиқрори сулҳ ва ризоияти миллӣ дар Тоҷикистонро, ки 27 июни соли 1997 дар шаҳри Маскави Федератсияи Русия сурат гирифт, расонаҳои машҳури сатҳи ҷаҳонӣ - "ИТАР ТАСС", "ВВС", "СNN", "Синхуа" ба тамоми ҷаҳониён расонданд. Агар пеш аз имзои ин созишнома тоҷикон дар расонаҳои хабарӣ аз ду ҳақиқат суҳбат мекарданд, баъд аз имзои созишнома ин ду ҳақиқат ба як ҳақиқат, ки номаш Ваҳдати миллӣ аст, табдил шуд".
Дар конфронс Ҷонибеки Қозибеқ, муовини аввали раиси Кумитаи иҷроияи Ҳаракати ваҳдати миллӣ ва эҳёи Тоҷикистон дар ВМКБ таъкид намуд: "Солҳои шӯравӣ матбааи вилоятӣ яке аз коргоҳҳои калон маҳсуб меёфт. Шумораи коргаронаш ба 100 нафар мерасид. Дар ин ҷо рӯзномаҳои виоятӣ бо теъдоди зиёд ва мавод оид ба ҳуҷҷатгузории дохилии идораву муассисаҳои вилоятӣ ҳам ба нашр мерасиданд, имрӯз ҳолати ногувор дорад”.
Пешниҳод гардид, ки дар таълимгоҳҳо фанни алоҳидаи таърихи ба даст омадани Ваҳдати миллӣ ҷорӣ шавад, то насли наврас аз ин дастовард амиқан огоҳ гарданд.
Дар ин бора муфассалтар хабар хоҳем дод.
Дар он раиси ВМКБ Шодихон Ҷамшед, директори Маркази тадқиқоти стратегии назди Президенти ҷумҳурӣ Худойбердӣ Холиқназар, муовини аввали раиси Ҳаракати ваҳдати миллӣ ва эҳёи Тоҷикистон Мирзошоҳрух Асрорӣ, раиси Иттифоқи журналистони Тоҷикистон Зинатулло Исмоилзода ва намояндагон аз расонаҳои хабарии ҷумҳурӣ иштирок доштанд.
![](/upload/конфронси-вао-01.jpg)
Раиси ВМКБ Шодихон Ҷамшед зимни баромадаш нақши рӯзномаи “Ҷавонони Тоҷикистон”-ро дар расидан ба Ваҳдати миллӣ ва таҳкими он беназир хонда, таъкид намуд, ки “ин ҳафтанома имрӯз низ ба хотири бақои ин арзиши олӣ мубориза мебарад”. Раиси вилоят аз нашри матолиб дар самти мубориза ба муқобили терроризму экстремизм дар ҳафтаномаи “Ҷавонони Тоҷикистон” махсус ёдовар шуд.
Зикр гардид, ки сулҳи тоҷикон на танҳо давлату миллатро наҷот дод, балки дар дили насли ҷавон умед ба ояндаи нек, хушбахтӣ, саодат, некномӣ ва ягонагии ногусастаниро зинда намуд ва ин дар расонаҳои хабарии кишвар чун арзиши беҳамто, баромада аз фитрати азалии миллати тоҷик таъкид мегардид.
Худойбердӣ Холиқназар, директори Маркази тадқиқоти стратегии назди Президенти кишвар, дар мавзӯи "Аҳамияти таърихии сулҳи тоҷикон ва бозтоби он дар ВАО-и дохиливу хориҷӣ" маърӯза карда, аз ҷумла изҳор намуд: "Имзои Созишномаи истиқрори сулҳ ва ризоияти миллӣ дар Тоҷикистонро, ки 27 июни соли 1997 дар шаҳри Маскави Федератсияи Русия сурат гирифт, расонаҳои машҳури сатҳи ҷаҳонӣ - "ИТАР ТАСС", "ВВС", "СNN", "Синхуа" ба тамоми ҷаҳониён расонданд. Агар пеш аз имзои ин созишнома тоҷикон дар расонаҳои хабарӣ аз ду ҳақиқат суҳбат мекарданд, баъд аз имзои созишнома ин ду ҳақиқат ба як ҳақиқат, ки номаш Ваҳдати миллӣ аст, табдил шуд".
Дар конфронс Ҷонибеки Қозибеқ, муовини аввали раиси Кумитаи иҷроияи Ҳаракати ваҳдати миллӣ ва эҳёи Тоҷикистон дар ВМКБ таъкид намуд: "Солҳои шӯравӣ матбааи вилоятӣ яке аз коргоҳҳои калон маҳсуб меёфт. Шумораи коргаронаш ба 100 нафар мерасид. Дар ин ҷо рӯзномаҳои виоятӣ бо теъдоди зиёд ва мавод оид ба ҳуҷҷатгузории дохилии идораву муассисаҳои вилоятӣ ҳам ба нашр мерасиданд, имрӯз ҳолати ногувор дорад”.
Пешниҳод гардид, ки дар таълимгоҳҳо фанни алоҳидаи таърихи ба даст омадани Ваҳдати миллӣ ҷорӣ шавад, то насли наврас аз ин дастовард амиқан огоҳ гарданд.
Дар ин бора муфассалтар хабар хоҳем дод.
Эзоҳи худро нависед