22 августи соли равон вазири корҳои хориҷии Ҷумҳурии Тоҷикистон Сироҷиддин Муҳриддин ба вазири корҳои хориҷии Ҷумҳурии Исломии Эрон Аббос Ароқчӣ ба муносибати таъйин шуданаш ба ин мансаб номаи табрикӣ ирсол намуд.

Дар ин бора Вазорати корҳои хориҷии кишвар иттилоъ медиҳад.

Аз ҷумла, дар нома чунин омадааст:

“Ҷаноби Аббос Ароқчӣ,

Ба муносибати таъйин шуданатон ба мансаби вазири корҳои хориҷии Ҷумҳурии Исломии Эрон ба Шумо таҳнияти самимӣ изҳор менамоям.

Итминон дорам, ки бо саъю талошҳои муштарак ҳамкориҳои байнидавлатии кишварҳоямон минбаъд низ дар самтҳои гуногун густариш ёфта, бо мазмуну муҳтавои нав ғанӣ хоҳанд гашт.

Дар ин росто, ба Шумо дар иҷрои вазифаҳои масъулиятнокатон комёбӣ орзумандам”.